Na reunión informouse da posta en marcha das Áreas de Organización e Iniciativa Política que xa mantiveron as súas primeiras reunións, avanzando nos temas que se trataron na Coordenadora.
No apartado organizativo tratáronse aspectos derivados da recente mudanza de responsabilidades como a posta ao día das finanzas, a organización dos Grupos de Traballo ou a xestión de web e contas en redes. Falouse tamén das xestións que se están a facer derivadas da mudanza de local. Neste ponto infórmase de que parte do material do local vello non se vai reutilizar, particularmente as cadeiras, polo que se algun/ha inscrito/a ten coñecemento dalgunha entidade social que poda estar interesada no seu aproveitamento pode pórse en contacto coa coordenadora.
A área de Iniciativa Política está a traballar sobre varios temas. Dous deles de patente actualidade, como son a revisión catastral e o proceso de municipalización da ORA e Guindastre. Desenvolveranse actividades e editarase material que reforce e complemente a acción do goberno municipal.
Recibiuse un convite da Marea Atlántica para manter unha reunión. Acordouse aceitar o convite. A reunión tivo lugar o xoves 30 de Marzo na Coruña.
Comézase a traballar na perspectiva do segundo aniversario da chegada ao goberno. Hai acordo en organizar unha celebración que, sen perder o contido festivo, reforce a sua dimensión política facendo un especial énfase na loita común ao conxunto das Cidades Rebeldes.
A espera de confirmación de axendas e disponibilidade de local, prevese convocar a Asemblea Ordinaria na semana do 17 de Abril.