Por unha banda a Declaración Insitucional con motivo do 25 de Novembro, día Internacional da eliminación da violencia contra as mulleres.
Nesta delaración chégase aos seguintes acordos:
1.-Expresar o recoñecemento da Corporación ás históricas mobilizacións desenvolvidas polo feminismo galego durante o 2018 así como o apoio ás mobilizacións que impulsen as organizacións feministas galegas.
2.-Instar ao Goberno do Estado a incrementar os fondos destinados ao cumprimento do Pacto de Estado en materia de violencia de xénero.
3.-Que o Goberno continúe impulsando as medidas recollidas no Pacto de Estado contra a Violencia de Xénero nos ámbitos: educativo, social, xurídico, económico, de protección, de concienciación e de sensibilización social.
4.-Demandar ao órgano competente do Goberno do Estado a creación dunha unidade de Violencia Machista específica na Comunidade Autónoma encargada de facer cumprir a lexislación en materia de violencia machista para impulsar xulgados específicos de violencia de xénero, promover medidas destinadas ao tratamento integral da violencia sexual como forma de violencia machista e garantir formación en violencia de xénero de todo o persoal que intervén no proceso xudicial.
A segunda declaración presentada foi en relación ao 70 Aniversario da Declaración Universal dos Dereitos Humanos.
O texto aprobado por todos os grupos políticos da Deputación da Coruña é o seguinte:
O 10 de decembro de 1948 a Asemblea Xeral das Nacións Unidas aprobou a Declaración Universal dos Dereitos Humanos. Un documento histórico e de plena vixencia que proclamou os dereitos inalienables inherentes a todos os seres humanos, sen importar a súa raza, color, relixión, orientación sexual, idioma, opinións políticas ou de outra índole, lugar de nacemento, propiedades, orixe social ou calquera outra condición.
