O pasado mes de agosto, o Goberno da Xunta de Galicia iniciou proceso de Reforma da Lei Galega de Saúde do ano 2008. A publicación do anteproxecto aberto a consultas públicas xa provocou as alarmas entre o sector sanitario, ao considerar, entre outras cuestión, que vai conlevar novos recortes e precarización do sistema público de Saúde.

Dende Compostela Aberta compartimos estas preocupacións, polo que no pleno do 16 de novembro presentamos moción solicitando a retirada do proxecto de reforma que perpetúa as Estruturas de Xestión Integrada e instando a restituir as xerencias de atención primaria e dotalas de medios e recursos.

Dende que no ano 2010 os centros de saúde pasaron a depender das xerencias hospitalarias produciuse unha enorme perda de poder e recursos no primeiro nivel de asistencia, tanto para os profesionais como para a cidadanía.

Igualmente, entre 2009 e 2015 reducíronse 641 prazas en Atención Primaria (un tercio do total) sobrepasando amplamente o cupo recomendado de pacentes por médico/a. Esta situación obriga a atender unha media de 40-50 pacientes por día, repercutindo negativamente na calidade da atención, colapasando as urxencias, e incrementando as listas de espera.

Ademais, o proxecto consolida o modelo privatizador de coñecemento xa posto en marcha coa creación da Axencia Galega para a Xestión do Coñecemento en Saúde.

Aquí podes ler a moción de Compostela Aberta.

 

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies