Nos últimos días tivemos que sorprendernos unha vez máis coas escusas da familia Franco para xustificar a non devolución das estatuas roubadas do Mestre Mateo. Din os Franco que as pezas foron compradas a un anticuario e acusan ao Concello de “mezquindade” por tentar recuperar o patrimonio de todas e todos.
Como declarou Martiño Noriega, os Franco teñen este debate perdido. A cidadanía sabe que houbo moita apropiación de patrimonio público por parte dunha familia que foi a cara visible da ditadura durante décadas. Isto non só aconteceu coas estatuas de Abraham e Isaac nin co Pazo de Meirás.
Dende o goberno de Compostela Aberta existe o convencemento de que a razón e a lei están do lado do Concello e a argumentación dos Franco só demostra a patrimonialización dos bens públicos que seguen a facer. Por iso é preciso unha vitoria xudicial que abra unha fiestra para a recuperación dun patrimonio público que non pode seguir sendo parte da colección privada dos herdeiros da ditadura.
No seguinte enlace podes escoitar un resumo das declaracións de Martiño Noriega.