Neste Primeiro de Maio volvemos lembrar a rebeldía da clase traballadora que nos trouxo ata aquí e as loitas que teñen que seguir impulsándonos.
Porque nestes tempos escuros que vivimos de recortes de liberdades toca seguir en pé para recuperar os dereitos das traballadoras e traballadores.
Porque toca seguir loitando máis que nunca polos salarios dignos, contra o paro, a precariedade, a explotación laboral, as pensións de miseria, a desigualdade e a fenda de xénero…
Porque sobran os motivos e as reivindicacións, Compostela e o País enteiro saíron hoxe de novo a encher rúas e praza de dignidade, polo benestar, a fraternidade e a Xustiza social.
Porque as liberdades públicas e os dereitos sociais teñen quen os defendan.
