[et_pb_section bb_built=”1″][et_pb_row][et_pb_column type=”4_4″][et_pb_text _builder_version=”3.8″]
O pasado sábado 16 de xuño foi momento de celebración en común, pero tamén de facer un exercicio de memoria do que foron estes #3anosDeGobernoCA.
Dende o orgullo do traballo feito dende un espazo xeneroso, comprometido e fraterno, dende a autocrítica polos erros cometidos e o traballo que queda por facer.
Nestes tres anos escribimos un relato de capital do país que é vangarda contra as violencias machistas, con humildade e sen paternalismos.
Tres anos nos que apostamos por unha #CompostelaSocial que multiplica as axudas e a rede de seguridade para a xente en risco de exclusión. Polo latexo cultural dunha cidade dinámica e participativa que mestura tradición e vangarda, pola posta en valor das zonas verdes, pola recuperación de memoria histórica, pola conquista para o público de servizos e espazos físicos e simbólicos…
E como di Martiño Noriega. nestes tres anos gañamos a diplomatura de rebeldes competentes, queda seguir traballando para gañar a licenciatura.
Temos un ano por diante para seguir transformando este relato en feitos para renovar a confianza da veciñanza e seguir exercendo de contrapeso ás políticas da dereita e do Partido Popular.
Non podemos dar todas as batallas, pero si podemos escoller cales queremos dar. Por iso seguiremos traballando para reforzar a unidade popular dende o local, para seguir exercendo este ‘picheleirismo’ non excluínte.
Dende a institución e dende a rúa, é o momento de seguir dando pasos adiante e seguir poñendo nerviosa a esa minoría que ve os seus intereses ameazados.
Aquí podes ver unha galería de imaxes desta Romaría 3º aniversario.
[/et_pb_text][/et_pb_column][/et_pb_row][/et_pb_section]