A asamblea de Compostela Aberta decidirá sobre a oferta do BNG para entrar no Goberno

María Rozas insiste en que “CA reivindicará políticas progresistas e transformadoras en Santiago, desde calquera que sexa o seu rol no próximo mandato”

Compostela Aberta confirmou hoxe que facilitará a toma de posesión de Goretti Sanmartín como nova alcaldesa de Santiago na sesión de investidura prevista para o 17 de xuño, e será a asamblea da organización a que se pronuncie sobre a posibilidade de entrar nun goberno de coalición liderado polo BNG. Así o trasladou a portavoz de CA despois da reunión celebrada esta mañá con representantes do Bloque Nacionalista Galego, coa propia Sanmartín á cabeza. María Rozas insisitiu en que “a veciñanza dixo nas urnas que quería unha Corporación municipal con maioría de esquerdas e plural, e agora toca decidir que papel queremos que xogue Compostela Aberta no futuro”.

Esta mañá celebrouse a primeira xuntanza entre Compostela Aberta e o BNG despois das eleccións municipais, na que CA estivo representada por María Rozas, Xan Duro, Miguel Penas e Concha Fernández, membros da coordinadora de CA e designados por ela oara seren os interlocutores co Bloque. A portavoz de Compostela Aberta explicou que na reunión “oficializamos o noso apoio á investidura de Goretti Sanmartín como alcaldesa, do mesmo xeito que o BNG oficializou a súa oferta para que CA se integre nun goberno de coalición”. A proposta, explicou Rozas, “será sometida á asamblea de Compostela Aberta, que é quen tén que dedicir o papel que debe xogar a organización no futuro, e que será quen ditamine se se abren ou non negociacións de cara á entrada nese goberno”. A asamblea de CA celebrarase o próximo martes, e a súa decisión serálle trasladada ao BNG nunha reunión fixada para o mércores. 

María Rozas explicou que “a de hoxe foiu unha primeira toma de contacto, agradable e cordial, na que as dúas formacións falamos dos principais retos que tén Santiago por diante, sen entrar en profundidades porque non foi unha reunión para negociar”. A portavoz de Compostela Aberta insistiu en que “sempre dixemos que Santiago necesitaba un cambio de rumbo, con políticas progresistas e transformadoras que CA vai reivindicar desde calquera rol que ocupe no próximo mandato”. Ademais, María Rozas salientou que “Santiago tén retos que tén que afrontar con urxencia, e por iso non é a vontade de Compostela Aberta dilatar os tempos e procuraremos ser o máis rápidos posible na nosa reflexión sobre o futuro, respectando os tempos da nosa organización”.

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo