Branca Novoneyra pídelle ao Goberno que actualice o Mapa Literario de Santiago

A concelleira de Compostela Aberta sostén que esta ferramenta “facilitaría un especial acompañamento e promoción do sector do libro nestes momentos de crise”

Compostela Aberta pedirá no próximo Pleno a actualización do Mapa Literario de Santiago, impulsado durante o pasado mandato. A concelleira Branca Novoneyra explicou que este recurso “ten un grande interese para o sector cultural da cidade, mais en concreto para as librarías e editoras que precisan dun apoio e dun acompañamento especial no actual contexto e despois da pandemia”.

Branca Novoneyra explicou que esta ferramenta “é moi útil para referenciar ao sector do libro en Santiago, pero precisa dunha actualización para seguir estando vixente”. Así, a concelleira de Compostela Aberta pediu que se renoven os contidos relativos a autores e autoras, a librarías e a editoras, e que se incorporen novos itinerarios literarios aos tres cos que naceu o Mapa (Itinerario das Irmandades da Fala, Itinerario Scorpio e Itinerario Carlos Casares). Ademais, reclamou que se activen as redes sociais asociadas ao mapa para facilitar a produción de contidos vinculados ao mapa, e que se elaboren unidades didácticas para que poidan ser aproveitadas nos centros educativos de Santiago.

O Mapa Literario de Santiago foi impulsado durante o pasado mandato, aproveitando a participación de Compostela como cidade invitada  na Feira do Libro de Bos Aires, e difundiuse tanto en papel como a través dunha páxina web e dunha APP. O proxecto está pensado “para os que queren descubrir a capital galega a través da literatura”, e por iso nel recóllense, xeolocalizados, lugares vinculados a 14 autores, algúns deles actuais como Suso de Toro, Teresa Moure ou Diego Ameixeiras, e outros que forman parte da historia da literatura como Rosalía de Castro, Valle-Inclán ou mesmo Federico García Lorca. Ademais, no Mapa recóllense as referencias ás librarías, editoras e mesmo bibliotecas de Santiago.

Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

“Nos primeiros cen días de Goberno atendimos urxencias como a dos autobuses, recuperamos o diálogo social, e reconducimos o proxecto do Centro de Persoas sen Fogar” 

O Goberno mantivo un encontro cos medios de comunicación para facer balace dos cen primeiros días de mandato

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo