Branca Novoneyra reclama a convocatoria urxente das axudas municipais para actividades culturais

A concelleira de Compostela Aberta advirte do risco de que se repita “o fracaso do ano pasado, con só tres asociacións beneficiarias das subvencións e milleiros de euros perdidos” 
  • CA tamén pedirá no Pleno que se retome a publicación dunha axenda cultural

A concelleira de Compostela Aberta Branca Novoneyra reclamoulle hoxe ao Goberno “que publique coa maior urxencia a convocatoria das axudas para actividades culturais deste ano, para evitar que se repita o fracaso de 2021”. Novoneyra alertou da preocupación do sector, “que continúa sen recuperarse por completo dos efectos da pandemia da Covid-19, e que, polo tanto, está a ter máis dificultades para continuar programando fóra do ámbito institucional ou con independencia destas axudas públicas”.

Branca Novoneyra sinalou que “unha vez que entrou en vigor o orzamento de 2022, o Goberno non tén desculpas para non aprobar e publicar a convocatoria de axudas culturais, aprendendo dos erros que cometeu o ano pasado”. A concelleira de CA lembrou que en 2021 só tres entidades asociativas foron beneficiarias destas subvencións, de forma que se gastaron menos de 10.000 euros dos case 50.000 que estaban consignados. No caso das empresas, apuntou, “foron moitas as que desistiron das axudas, porque non podían desenvolver as actividades no prazo que dera o Concello para xustificar as subvencións, tan só dez días”. A maiores, incidiu, as axudas concedidas non están abonadas a día de hoxe.

Para a concelleira, “o Goberno non pode relaxarse como fixo o ano pasado, porque a realidade é que o sector cultural empeza a recuperarse agora dos efectos da Covid e das limitacións de aforos, e ainda non ten capacidade real para retomar o modelo de financiamento que se estaba a impulsar antes da pandemia, baseado no incremento de públicos e contidos”. O idóneo, sinalou, sería que a convocatoria estivera realizada “con prazo abondo para que as asociacións e empresas poidan programar no verán”.

Axenda Cultural 

No Pleno desta semana, Branca Novoneyra tamén defenderá unha moción na que lle pide ao Goberno que retome a publicación dunha axenda cultural, tanto dixital como en papel, que recolla todas as actividades que se programan en Santiago, para favorecer a participación cultural e para aumentar a coordinación no sector. A concelleira explicou que “este instrumento é fundamental para unha mellor difusión da actividade cultural, que ainda está afectada pola interrupción brusca e prolongada da participación nestes actos por mor da pandemia”.

Novoneyra lembrou que no pasado mandato existía esta axenda en papel, a Compostelánea, froito da colaboración entre os departamentos de Acción Cultural e Turismo, “e a recuperación deste modelo sería moi interesante, neste momento no que o contacto social ainda non está plenamente recuperado e iso dificulta que flúa a información sobre os actos na cidade”. Ademais, a concelleira sinalou que “en ocasións existe certa contraprogramación, por falta de coñecemento e coordinación entre o que fan as institucións públicas e entidades privadas ou asociativas, algo que unha axenda deste tipo contribuiría a paliar”.

Documentación
relacionada
ROGO DO GRUPO MUNICIPAL DE COMPOSTELA ABERTA POLA PRONTA PUBLICACIÓN DAS AXUDAS A EMPRESAS E ENTIDADES SEN ÁNIMO DELUCRO PARA DESENVOLVER ACTIVIDADES CULTURAIS DURANTE O 2022
Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

“Nos primeiros cen días de Goberno atendimos urxencias como a dos autobuses, recuperamos o diálogo social, e reconducimos o proxecto do Centro de Persoas sen Fogar” 

O Goberno mantivo un encontro cos medios de comunicación para facer balace dos cen primeiros días de mandato

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo