- Bugallo vai pedirlle ao Adif un aparcadoiro cando o proxecto actual contempla un de 1.000 prazas e con posibilidade de ser ampliado
- A supresión da cláusula dos 3,5 millóns de pasaxeiros nin se está aplicando, nin se vai aplicar
Santiago de Compostela, 15 de xullo de 2019.- Compostela Aberta mostrou hoxe a súa preocupación ante as declaracións que vén realizando o alcalde de Santiago en relación aos prazos para a execución da estación intermodal. Tal e como recollen diversos medios de comunicación e tamén a propia web municipal, Xosé Sánchez Bugallo sostén que a infraestrutura non estará rematada para o Ano Santo de 2021, fronte aos prazos facilitados pola Xunta de Galicia hai tan só uns meses, que apuntaban a que “Santiago contará nos primeiros días do 2020 coa primeira estación intermodal de Galicia preparada para a chegada do AVE e a celebración do Xacobeo”.
É por iso que Compostela Aberta esixe que “a ronda de contactos que o alcalde Bugallo vai manter esta semana para falar deste proxecto non sirva de coartada para que se atrasen unhas obras polas que a capital galega leva unha década agardando”.
Aparcadoiro xa contemplado
Xosé Sánchez Bugallo reunirase mañá en Madrid coa presidenta de ADIF para abordar o proxecto da estación intermodal, e tén previsto manter o mércores unha xuntanza coa conselleira de Infraestruturas, Ethel Vázquez. O alcalde sinalou apuntou varias veces a necesidade de habilitar prazas de aparcamento, sen renunciar mesmo á posibilidade de construír un aparcamento soterrado na zona. Unha necesidade que non pode ser escusa para atrasar as obras posto que o proxecto actual xa debería incluír como mínimo 1.000 prazas para cumprir co PXOM vixente.
Compostela Aberta lembra que o actual proxecto, tal e como se pode ler nas informacións da Xunta de Galicia ao respecto, “deixa preparado o terreo para executar, en caso de necesidade, un aparcadoiro e unha área de servizo para os vehículos”. Xa que logo, todo apunta a que o alcalde viaxará a Madrid para reclamarlle á presidenta de ADIF algo que xa está contemplado desde hai meses. De feito, xa en 2016, se apuntaba á futura construción dun aparcadoiro con mil prazas repartidas en dúas plantas, no espazo que ocupa o edificio lateral á actual estación, e que será derruído.
Cláusula dos 3,5 millóns de pasaxeiros
Bugallo tamén vén sinalando como outro dos obxectivos das xuntanzas desta semana a retirada da cláusula que requiría chegar aos 3,5 millóns de pasaxeiros e pasaxeiras para afrontar unha segunda fase das obras da intermodal. Compostela Aberta recórdalle ao alcalde que xa en agosto de 2017 o ADIF acordou licitar a redacción do proxecto da estación do AVE de maneira co da pasarela cuberta, o que de facto supuxo suprimir a citada cláusula.
Compre lembra que o contrato con o estudio de arquitectura de Herreros para redactar o proxecto completo incluía o compromiso de entrega dentro do ano 2019.[/et_pb_text][/et_pb_column]
