CA alerta do atraso na licitación do novo contrato de recollida do lixo e limpeza viaria

Compostela Aberta preguntará no Pleno desta semana pola tramitación dese concurso, “para o que quedaran listos os pregos técnicos no pasado mandato”

 Compostela Aberta preguntará no Pleno desta semana polas previsións do Goberno municipal para a nova licitación do servizo de recollida de resíduos sólidos urbanos e limpeza viaria. O contrato vixente remata en abril, e non hai máis posibilidades de prórroga, e no pasado mandato quedaran redactados os pregos técnicos para o concurso. 

Compostela Aberta quere que o Goberno explique cales son as súas previsións para convocar o novo concurso, tendo en conta que a concelleira responsable, Milagros Castro, se comprometeu a que Santiago tería unha nova licitación e un servizo de recollida do lixo e limpeza viaria mellorado en maio de 2020 (El Correo Gallego, 21-07-2019). O grupo municipal lembra, ao respecto, que o prego técnico e o estudo económico para a nova licitación foron elaborados durante o pasado mandato, e fóronlle entregados ao novo Goberno do PSOE en xuño de 2019 durante o traspaso de poderes. Ademais, quedara lanzado un proceso de consulta preliminar ao mercado para introducir posibles melloras nos pregos, cun cuestionario elaborando seguindo as pautas da xefatura do servizo municipal de contratación, e do que se descoñecen os resultados. Para a nova licitación só quedaría pendente, polo tanto, a elaboración do prego administrativo.

O contrato de recollida de residuos urbanos e limpeza viaria foi adxudicado en decembro de 2004 a Urbaser, e tres anos despois ampliouse o contrato para incorporar a xestión dos puntos limpos do Tambre e de Piñor, así como a ampliación do baldeo e rego de rúas e beirarrúas. Nesa ampliación fixouse que a duración da concesión sería de dez anos, prorrogables por un máximo de cinco, prazo que remata no próximo mes de abril.

Limpeza de plásticos en Fontiñas

Relacionado coa recollida do lixo, CA tamén levará ao Pleno un rogo para pedir que se reforcen os servizos e turnos para retirar os moitos plásticos acumulados e tirados pola rúa en Fontiñas. Nas últimas semanas, o grupo municipal recibiu moitas queixas de persoas veciñas do barrio ao respecto da recollida do lixo, persoas que poñen o acento nos moitos plásticos tirados.

PODES CONSULTAR AQUÍ A PREGUNTA DE CA SOBRE O NOVO CONTRATO DE RECOLLIDA DE RESIDUOS SÓLIDOS URBANOS E LIMPEZA VIARIA

PODES CONSULTAR AQUÍ O ROGO DE CA PARA INTENSIFICAR A LIMPEZA DE PLÁSTICOS NAS FONTIÑAS

Novas
relacionadas

María Rozas: “Se quere pechar o caso Pichel, Bugallo perdeu onte unha gran oportunidade de dar explicacións e despexar dúbidas no Pleno”

A portavoz de Compostela Aberta lamenta que o Goberno non respondera a ningunha das preguntas que leva formulando máis de dez días

CA insta ao Pleno a defender os dereitos sexuais e reprodutivos das mulleres e a rexeitar protocolos antiabortistas

Marta Lois advirte que “o acontecido en Castela e León semella non ser un caso illado senón responder a un intento de retroceder nas conquistas dos dereitos das mulleres co que o presidente da Xunta se tén mostrado comprensivo”

Compostela Aberta denuncia o fracaso da convocatoria de axudas para actividades culturais, con só tres entidades beneficiarias

Branca Novoneyra reclama un plan de formación para as asociacións culturais, “porque non é asumible que só 3 entidades reciban este tipo de axudas e queden sen gastar 30.000 euros”

María Rozas: “Bugallo incumpriu sistemáticamente o seu programa electoral e os seus compromisos coa veciñanza, e sábeo”

A portavoz de Compostela Aberta considera “clarificador que o alcalde pedira un informe xurídico para evitar comparecer no Pleno para rendir contas, tal e como solicitou CA”

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo