CA elaborará un plan para a mellora da seguridade peonil no rural

Compostela Aberta propón acondicionar cunetas rebasables e sendas transitables nas parroquias, con prioridade á contorna de locais socioculturais e igrexas
  • María Rozas mantivo hoxe un encontro coa veciñanza de Busto

Compostela Aberta porá en marcha un plan para mellorar a seguridade peonil nas parroquias de Santiago, a través do acondicionamento de cunetas rebasables ou sendas transitables. Explicouno María Rozas, que esta mañá mantivo un encontro coa veciñanza de Busto. A candidata de CA á alcaldía sinalou que “as actuacións comezarán polos puntos máis concorridos das parroquias, como as contornas dos locais socioculturais e as igrexas, para irse extendendo de maneira progresiva”. Tamén se estudará a instalación de bandas reductoras de velocidade nos puntos nos que exista esa demanda.

María Rozas insistiu en que para Compostela Aberta “segue sendo prioritario atender o rural de Santiago, seguindo a liña do que fixemos desde o Goberno”. Ademais de comprometerse a darlle cumprimento e mellorar a dotación contemplada no Pacto polo Rural, a candidata de CA insistiu na necesidade de abordar “de maneira planificada e en colaboración co tecido asociativo, un programa de obras que fixe prioridades no relativo a melloras de accesibilidade e seguridade viaria, recuperación de equipamentos municipais, ou conservación e posta en valor do patrimonio”. Para Rozas, “a mellora da seguridade viaria debe ser unha prioridade, como tamén avanzar no mantemento da rede viaria, á que destinaremos un millón de euros anuais, a maiores da totalidade das achegas da Deputación Provincial”.

A candidata de Compostela Aberta tamén se comprometeu a continuar co plan de dotar ao rural de espazos sociocomunitarios cubertos, “con proxectos de novos equipamentos que se sumarán aos que quedaron pendentes durante o pasado mandato, e o actual goberno non executou”.

Mellor planificación das rozas

A cabeza de lista de CA tamén se referiu “á falta de planificación das rozas nos últimos anos, con traballos que se desenvolveron fóra do calendario demandado pola veciñanza”. Por iso, María Rozas incidiu na necesidade de “establecer datas fixas para acometer estas labores, utilizando para o rural o tractor que foi adquirido durante o Goberno de CA con cargo aos Orzamentos Participativos, e que nos últimos anos foi utilizado máis noutras zonas da cidade que nas parroquias”. Nesa liña, María Rozas tamén se comprometeu a manter as fincas municipais limpas, e a fomentar a plantación de especies autóctonas non pirófitas “como medida importante de prevención dos incendios forestais”

Demandas da veciñanza de Busto

Na visita a Busto, María Rozas recolleu as demandas da veciñanza, relacionadas con cuestións de seguridade viaria, mantemento e asfaltado das pistas, mellora da sinaléctica, e instalación de novos puntos de luz na parroquia. Tamén mostraron o seu malestar “porque o alcalde comprometeuse a acometer unha actuación de urxencia nas pontes do Castro e da Barca Vella que se atopan en moi mal estado, pero nada se fixo aínda”. A candidata de Compostela Aberta  insistiu en que “Bugallo e o seu equipo non deixan de dar mostras da súa falta de palabra e, sobre todo, da falta de diálogo que caracterizou o seu mandato”

Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo