Compostela Aberta insta á Xunta a incluir nos orzamentos de 2019 a construción dun novo aparcadoiro para o CHUS


O grupo municipal de Compostela Aberta levará ao pleno do próximo xoves 18 de novembro unha moción coa que quere que o Pleno da Corporación inste á Xunta a incorporar nos seus próximos orzamentos de 2019 as partidas necesarias para a construción dun novo aparcadoiro público para o Hospital Clínico.  O concelleiro de Espazos Cidadáns, Dereito á Vivenda e Mobilidade presentou hoxe a moción, que tamén urxe á xerencia do CHUS a realizar os trámites precisos para ampliar a reordenar o estacionamento no complexo hospitalario, impedindo que os vehículos aparquen na beirarrúa e garantindo a accesibilidade. Ademais, solicítalle que complete o estudo sobre as necesidades de estacionamento no CHUS, cuantificando a demanda de traballadores e traballadoras e de persoas usuarias.

Jorge Duarte lembrou que o Hospital Clínico Universitario de Santiago abriu as súas portas en 1999, e da servizo a unha área de poboación de case 400.000 persoas. Xa entón, o Concello cedeu os terreos nos que a Xunta construíu o actual estacionamento. O concelleiro incidiu en que, en 2017, o alcalde, Martiño Noriega, mostroulle ao conselleiro de Sanidade a disposición do Concello a colaborar nas reformas que precisa o complexo hospitalario, “salientando a necesidade de procurar unha solución aos problemas de estacionamento no CHUS”. Posteriormente, o Concello modificou o PXOM para permitir a localización dun aparcadoiro de catro plantas baixo un espazo público nunha parcela situada xunto ao edificio CIMUS da Universidade de Santiago. Desde entón, explicou Jorge Duarte, “o Goberno local non tivo retorno, malia a ter solicitado reiteradamente unha xuntanza coa xerencia do CHUS en abril e posteriormente en agosto”.

O concelleiro de Espazos Cidadáns, Dereito á Vivenda e Mobilidade lamentou “o caos que se vive case a diario no contorno do Hospital Clínico, un problema que se remonta á apertura do centro e que non se solucionou coa construción do parking da Choupana”. Máis ao contrario, Jorge Duarte lembrou que “a concesión deste aparcamento privado fíxose en tempos de bonanza económica e a moi longo prazo, e o resultado é que as tarifas deste estacionamento son as máis caras dos estacionamentos vinculados aos hospitais galegos, practicamente duplican as do aparcadoiro do Álvaro Cunqueiro de Vigo”. Por todo iso, Duarte instou á Xunta a incluir nos seus orzamentos de 2019 as partidas necesarias para acondicionar un novo aparcamento no Clínico “seguindo o modelo que se levou a cabo xa para a construción do CHUS: financiamento do Goberno galego e terreos cedidos polo Concello de Santiago”.

Aquí podes ler o texto completo da moción de Compostela Aberta

 

Novas
relacionadas

María Rozas: “Compostela Aberta é o voto útil para quen queira políticas progresistas en Santiago” 

Compostela Aberta celebrou o seu acto central de campaña na Sala Capitol, no que a candidata estivo arroupada polo exalcalde Martiño Noriega

María Rozas: “Compostela Aberta é o único garante de que Santiago non volva aos anos negros do PP nin se manteña no gris de Bugallo”

O exalcalde Martiño Noriega e boa parte da lista electoral participaron no acto de apertura de campaña de CA

María Rozas: “Compostela Aberta é o espazo da esperanza, porque somos activistas por un Santiago que merece máis”

Compostela Aberta presenta para o 28 de maio “unha candidatura feminista, que nace do asociacionismo, pegada ao territorio e solvente”

CA completa unha lista “feminista, apegada aos barrios e o rural, e comprometida co activismo social e a defensa das traballadoras”

María Rozas presenta o segundo tramo da candidatura, que pechan a presidenta do comité de empresa de Zara na provincia da Coruña, Carminha Naveiro; a escritora e académica Marilar Aleixandre; e o exalcalde Martiño Noriega

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo