CA leva ao Pleno unha moción para rexeitar a decisión do Tribunal Supremo sobre o imposto das hipotecas

A concelleira de Compostela Aberta, María Rozas, deu conta hoxe dunha moción que o grupo municipal levará ao vindeiro pleno para amosar o rexeitamento á decisión do Tribunal Supremo de deixar sen efecto a sentenza sobre o imposto das hipotecas.

 “O acontecido nas últimas semanas sobre este tema non ten precedentes no dereito español”, sinalou a concelleira quen fixo referencia tamén ao artigo 18 da LOPJ que di que “as sentenzas se executarán nos seus propios termos e só poderán deixarse sen efecto en virtude dos recursos previstos na lei”. A decisión do Tribunal Supremo de deixar sen efecto a sentenza que indicaba que debían ser os bancos os que abonasen o imposto das hipotecas non se sostén en ningunha norma legal. “O Tribunal Supremo non ten competencias para valorar a repercusión das súas sentenzas senón que debe limitarse a aplicar estritamente a lei e deixar que sexan os poderes lexislativo e executivo os que valoren os efectos que estas sentenzas podn ter na sociedade”. María Rozas tamén sinalou que “non pode ser que o poder xudicial actúe consonte a intereses económicos ou ao IBEX 35”.

Como destacou María Rozas, Compostela Aberta tamén entende como insuficiente o Decreto-lei aprobado polo goberno do Estado e publicado hoxe no BOE, pois este non supón retroactividade nin a devolución dos cartos que supuña a sentenza.

Na moción tamén se recolle que, na resolución do pasado 18 de outubro, se indica que os principais interesados en que se inscriba unha hipoteca en escritura pública son os bancos para poder exercitar a acción executiva e privilexiada que deriva da mesma. Isto ten como consecuencia que, se os bancos son os principais interesados en inscribila, deberían ser os que se fagan cargo do importe económico que iso supón.

Por todo iso, o grupo municipal de Compostela Aberta levará ao pleno do mes de novembro esta moción para que a corporación amose o rexeitamento a esta decisión do Pleno do Tribunal Supremo de deixar sen efecto a súa propia sentenza nº 1505/2018 relativa ao suxeito pasivo do Imposto de Actos Xurídicos Documentados.

Aquí podes ver o texto completo da moción que presenta CA.

Novas
relacionadas

COMUNICADO DE COMPOSTELA ABERTA DIANTE DA CONMEMORACIÓN DO 8M, DÍA INTERNACIONAL DAS MULLERES

Como cada 8 de marzo, Compostela Aberta súmase ás reivindicacións polo Día Internacional das Mulleres e fai un chamamento á cidadanía a participar nas mobilizacións convocadas para reclamar unha igualdade real entre homes e mulleres, defender o dereito das mulleres a vivir unha vida libre e segura, e denunciar a discriminación que perdura, malia os avances nas últimas décadas.

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo