CA pedirá no Pleno melloras nos campos de fútbol do Sergas e das Cancelas

Rafael Peña lembra que o Goberno de Compostela Aberta deixou aprobado un proxecto para o campo do Sergas, que tiña que ser modificado

O grupo municipal de Compostela Aberta pedirá no próximo Pleno que o Goberno acometa melloras nos campos de fútbol do Sergas e das Cancelas, que presentan importantes deficiencias no seu terreo de xogo. O concelleiro Rafael Peña lembra que o Goberno de CA deixou varios proxectos para as dúas instalacións deportivas “que deben estar contemplados nos orzamentos de 2020 e seren executados canto antes”.

Rafael Peña lembra que “o campo de fútbol municipal do Sergas presenta graves deficiencias que non garanten unha práctica deportiva segura e que, segundo a valoración de diversos técnicos especializados, non se solucionaría coa substitución do céspede”. O concelleiro explica que o Goberno de CA redactou un proxecto para a renovación do terreo de xogo, a construción dunha nova zona de adestramento e a dotación de torres de iluminación “que estaba orzado en medio millón de euros e que houbo que modificar para incorporar algunhas melloras a nivel eléctrico”.  Tal e como se recollía no informe do traspaso de poderes, apunta o edil, “os técnicos municipais consideran que os arranxos do campo do Sergas son de extraordinaria urxencia, polo que o Goberno debe aprobar canto antes o proxecto modificado e contemplalo nos orzamentos municipais para poder acometer a obra”. 

Proxectos menores

Ademais, tal e como se recorda no rogo, no departamento de Deportes quedaron redactados outros proxectos para afrontar melloras conxuntas no campo de fútbol do Sergas e no das Cancelas, un para a instalación de cantinas e outro para a construción de almacéns. Con respecto ao campo de fútbol das Cancelas, apunta Rafael Peña, sería tamén necesario actuar sobre o seu terreo de xogo, “que se atopa en mal estado despois de 12 anos de uso, posto que a vida útil media dun campo de herba sintética é de 10 anos”.

PODES CONSULTAR AQUÍ O ROGO PRESENTADO POR CA

Novas
relacionadas

María Rozas denuncia “a falta de impulso político e de capacidade de xestión da concellería de Deportes” nun encontro con entidades deportivas de Santiago

A candidata de Compostela Aberta considera que “remata un mandato en branco, sen avances nas novas infraestructuras deportivas nin en mantemento, e con continuos problemas na tramitación das subvencións municipais”

María Rozas no COAG: “Precisamos unha administración máis eficiente  e un Goberno máis dialogante para resolver os retos de Santiago”

A portavoz municipal mantén unha xuntanza cunha representación do Colexio Oficial de Arquitectos para presentar as propostas de Compostela Aberta en materia de mobilidade, mellora dos espazos públicos ou vivenda “despois dun mandato perdido para a veciñanza”

María Rozas: “É pouco crible que Bugallo anuncie plans de investimentos para Lavacolla mentres non realiza nin o mantemento dos viarios da parroquia”

A portavoz de Compostela Aberta e o concelleiro Xan Duro visitaron Lavacolla para recoller as demandas da veciñanza

María Rozas: “Se quere pechar o caso Pichel, Bugallo perdeu onte unha gran oportunidade de dar explicacións e despexar dúbidas no Pleno”

A portavoz de Compostela Aberta lamenta que o Goberno non respondera a ningunha das preguntas que leva formulando máis de dez días

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo