Compostela Aberta levará ao Pleno deste mes de xaneiro un rogo para solicitarlle ao Goberno que acondicione un espazo para a espera na parada de autobús da rúa de Amio. Na actualidade, as persoas usuarias invaden a calzada, nun viario que carece de beirarrúas, orixinando posibles situacións de risco.
O rogo presentado por Compostela Aberta refírese á parada de autobús da rúa de Amio, situada en fronte do Centro de Negocios Costa Vella. Na actualidade, as persoas usuarias só poden agardar o autobús na propia calzada, ou no lateral do viario, nun espazo con herba e que adoita enlamarse cando chove. A petición do grupo municipal de CA é que se acondicione esa zona, de xeito que as persoas usuarias poidan agardar con comodidade, e sen xerar situacións de risco para o tráfico.
PODES CONSULTAR AQUÍ O ROGO PRESENTADO POR CA SOBRE A PARADA DE AUTOBÚS
