Compostela Aberta reitera o seu compromiso coa Escola Municipal de Música

O goberno de Compostela Aberta e o alcalde Martiño Noriega reiteran o seu compromiso co modelo educativo e coa estabilidade das traballadoras e traballadores da Escola Municipal de Música.

Compartimos a preocupación lóxica e lexítima do cadro de persoal, das nais e pais e do alumnado da Escola e respectamos as súas reinvindicacións. A súa preocupación é a nosa, e por iso seguiremos traballando para garantir un modelo educativo de referencia dende hai anos e moi querido pola veciñanza de Compostela.

Martiño Noriega lembrou este mércores que a licitación para a xestión da Escola Municipal de Música non está aínda pechada e que todo o que se fixo ao longo destes 3 anos foi para mellorar no modelo.

O goberno municipal de Compostela Aberta ten sobradamente demostrado o seu apoio á Escola Municipal de Música e o seu proxecto educativo. Boa proba disto foi a reubicación da Escola nas instalacións de EAEM no ano pasado. “Despois de todo este esforzo non imos retroceder. Nin o Concello, nin eu como alcalde imos dar paso atrás nin co modelo nin coa estabilidade laboral das traballadoras e traballadores.

Actualmente estamos diante dun proceso de licitación dun novo contrato para a Escola que non finalizou e no que aínda que só se presentou unha empresa, esta non é adxudicataria do servizo. Nin a mesa de contratación rematou o seu traballo nin, en consecuencia, a xunta de goberno do Concello asinou o contrato.

Lamentamos tamén que outros axentes políticos e mediáticos estean xa instalados na ansiedade preelectoral e no “canto pior, mellor”. Fronte a estas actitudes, o goberno de Compostela Aberta seguirá procurando unha solución satisfactoria para as familias e os traballadores e traballadoras.

Novas
relacionadas

María Rozas será a candidata de Compostela Aberta nas próximas eleccións municipais

A concelleira anunciou a súa candidatura nunha rolda de prensa na que estivo arroupada polo grupo municipal, a coordinadora de CA e o exalcalde Martiño Noriega

CA reclama un plan para a contratación de músicos e artistas locais durante as festas

Jorge Duarte: “En trinta meses de mandato, o Goberno do PSOE non fixo nada para viabilizar a música ao vivo nos locais de hostalería”

Compostela Aberta volverá pedir no Pleno unha ordenanza municipal que protexa “a riqueza e singularidade cultural de Santiago”

Branca Novoneyra avoga porque o Concello prepare a candidatura de Santiago á rede de Cidades Creativas da Música da UNESCO

A concelleira de Compostela Aberta sostén que “a capital galega téno todo para obter ese recoñecemento, que sería un pulo en tempos de incerteza para o sector”

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo