O grupo municipal de Compostela Aberta vén de rexistrar unha pregunta oral para a súa resposta no Pleno da Corporación en relación á programación que ten prevista o Goberno para a noite de Fin de Ano. A concelleira Branca Novoneyra quere saber se o Concello “manterá as actividades musicais nas prazas do Obradoiro e de Cervantes, que tan boa acollida tiveron nas pasadas Noitevellas”.
Na pregunta rexistrada hoxe, o grupo municipal de CA lembra que “os concertos programados no Obradoiro nos Fins de Ano do pasado mandato contaron cunha media de 2.000 persoas asistentes”. Branca Novoneyra pon o acento na “diversidade e calidade dos contidos musicais, coas actuacións de bandas internacionais como The Agapornis ou TTSyndicate nas celebracións de Noitevella, que tamén foron de balde, seguindo as características da programación de festas durante o pasado mandato”. Ademais, a concelleira lembrou que “no ano pasado tamén tivo moi boa acollida o espectáculo de música electrónica e visuais que se celebrou na Praza de Cervantes “pensando para que a mocidade da cidade puideran gozar da música feita por músicas e músicos novos da nosa cidade”.
PODES LER AQUÍ A PREGUNTA FORMULADA POR COMPOSTELA ABERTA