Compostela Aberta comprométese a destinar 250.000 euros anuais para a contratación de artistas locais nas Festas

María Rozas insiste en que “é preciso recuperar iniciativas que funcionaron ben no pasado mandato para darlle visibilidade ao noso talento”
  • A candidata de CA defende máis participación veciñal e do tecido asociación na festa do Banquete de Conxo

Compostela Aberta recuperará a presenza de artistas locais nas festas da Ascensión e do Apóstolo, cunha partida mínima anual de 250.000 euros para a súa contratación. Así o explicou a candidata de CA á alcaldía, María Rozas, que reiterou que “as festas son unha oportunidade para promocionar o talento local, así o entendimos no pasado mandato e así o faremos no próximo”.

María Rozas insistiu en que “para Compostela Aberta a programación das festas debe servir para darlle visibilidade á creatividade local, non só no que tén que ver coa música senón tamén con outro tipo de empresas culturais e artistas”. A candidata de CA explicou que “este modelo funcionou con éxito, e por iso cómpre recuperalo”. En concreto, Rozas referiuse aos escenarios específicos para músicos locais que no pasado mandato foron instalados na praza do Toural durante as festas da Ascensión e do Apóstolo, “unha iniciativa que nos comprometemos a recuperar, tirando do censo de Compostela é Música!, que debe ser actualizado e servir de base para outras propostas como a organización dun gran festival de bandas de Santiago”. Para a concelleira, “trátase de promocionar o noso talento, e tamén de favorecer a contratación dos artistas locais, cunha partida específca que non baixará dos 250.000 euros anuais”.

Recuperar a participación veciñal

Ademais, Compostela Aberta inclúe no seu programa outras medidas “para recuperar o pulso das grandes festas de Santiago, ampliando a programación, volvendo a descentralizalas nos barrios e parroquias e combinando a contratación dos artistas locais coa de grandes espectáculos e artistas doutras procedencias”. María Rozas explicou que “tamén volveremos á esencia da Festa do Banquete de Conxo, impulsada no pasado mandato, e que debe recuperar a participación veciñal e social que quedou diluída nas últimas edicións”. A Festa do Banquete, sinalou, “pode servir tamén de exemplo para impulsar a recuperación da memoria doutros fitos históricos de Compostela, que poden ser rememorados de maneira lúdica e participada”. Por último, Rozas comprometeuse a seguir promocionar as festas propias dos barrios e parroquias “como se fixemos no pasado mandato coa da Uña, e como cómpre seguir facendo noutros lugares para poñer en valor as nosas tradicións e dalas a coñecer entre a veciñanza do conxunto do municipio”.

Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo