Compostela Aberta insta ao Goberno a decretar unha moratoria na apertura de tendas de souvenirs na cidade histórica

Marta Lois denuncia que “a proliferación destes establecementos impide fixar poboación e supón a degradación urbana e estética da zona vella”
  • O Pleno da próxima semana debaterá a proposición de CA, que pide que se aprobe unha orenanza reguladora para a protección do comercio tradicional

Compostela Aberta levará ao Pleno da próxima semana unha proposición na que insta ao Goberno a decretar unha moratoria na apertura de tendas de souvenirs para turistas no ámbito do Plan Especial da Cidade Histórica. A concelleira Marta Lois presentou hoxe a proposta, que inclúe outras medidas para favorecer a protección e revitalización do comercio tradicional e de proximidade na zona vella de Santiago.

Marta Lois explicou que “o comercio tradicional da cidade histórica de Compostela sofre as consecuencias da aparición dos centros comerciais e da venda on line pero, a maiores, a presión turística fai que proliferen as tendas de recordos pensadas unicamente para os turistas”. A concelleira alertou “da degradación urbana e estética que supoñen estes establecementos en rúas como San Francisco, Acibechería, ou Carretas, de onde xa desapareceron as tendas que lle dan servizo á veciñanza, de xeito que se fai aínda máis difícil fixar poboación neste ámbito”.

Plan Estratéxico do Comercio

Tal e como se lembra na proposición que será debatida no Pleno, “no pasado mandato aprobouse un Plan Estratéxico do Comercio no que se avoga por impulsar medidas revitalizadoras do comercio tradicional, que deberan estar recollidas nun Plan de Dinamización que protexa este tipo de establecementos que achegan valor sociocultural e que enriquecen a zona histórica, a través de medidas de discriminación positiva que promovan a súa apertura”.

Tamén nese Plan Estratéxico, lembrou Marta Lois, “falábase da conveniencia de aprobar unha ordenanza reguladora para a protección do comercio tradicional e de proximidade, que estableza e delimite áreas saturadas de tendas de souvenirs”. Ao respecto, a edila explicou que “o Goberno do PSOE dispón xa dun estudo, elaborado durante o anterior mandato, que facilitaría a tramitación desa ordenanza”. Por último, a concelleira pediu a creación dun Observatorio do Comercio da Cidade Vella de Santiago, que permita un mellor coñecemento e acompañamento destes establecementos comerciais, favorecendo o deseño de políticas públicas futuras que garantan a súa preservación e diversidade.

Marta Lois incidiu en que estas medidas “poderían ser adoptadas no marco das actuacións urxentes na cidade histórica,  presentadas polo Goberno de Bugallo de cara ao Xacobeo de 2021, porque non precisan de investimento e mellorarían significativamente a situación da cidade vella e a convivencia coa veciñanza”.

PODES LER AQUÍ A PROPOSICIÓN DE CA PARA A PROTECCIÓN DO PEQUENO COMERCIO NA CIDADE VELLA DE SANTIAGO

Novas
relacionadas

CA insta ao Pleno a defender os dereitos sexuais e reprodutivos das mulleres e a rexeitar protocolos antiabortistas

Marta Lois advirte que “o acontecido en Castela e León semella non ser un caso illado senón responder a un intento de retroceder nas conquistas dos dereitos das mulleres co que o presidente da Xunta se tén mostrado comprensivo”

Marta Lois: “O Goberno de Bugallo non pode seguir mirando para outro lado ante os incumprimentos coas traballadoras do SAF”

A empresa adxudicataria do Servizo de Axuda no Fogar segue sen actualizar os salarios das empregadas, e non lle deu cumprimento aos acordos relacionados con melloras organizativas

Compostela Aberta pide a posta en marcha dun Plan Municipal de Saúde Mental

Marta Lois propón un programa de prevención dirixido a escolares “para atender á preocupación crecente nos propios centros educativos”

“Non hai nada que aguantar”: CA súmase ao 25N cunha campaña que reivindica ás mulleres do rural “empoderadas fronte ás violencias machistas”

O lema é unha mensaxe que xurdiu nos obradoiros de empoderamento das mulleres do rural impulsados no pasado mandato

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo