• O grupo municipal de CA lembra que en moitos municipios Protección Civil encárgase de entregar material impreso ás familias que non poden acceder a el a través da rede

Compostela Aberta vén de instar ao Goberno Local a procurar fórmulas para achegarlle o material escolar ao alumnado confinado, moi especialmente a aqueles estudantes que teñen dificultades para acceder aos recursos a través da rede. O grupo municipal de CA pide que, ao igual que está a acontecer en concellos de todo o Estado, Protección Civil se encargue da  entrega porta a porta dese material.

Desde a suspensión das clases por mor da crise sanitaria da Covid-19, foron moitos os concellos de todo o Estado, moitos deles tamén en Galicia, que facilitaron a entrega do material escolar que quedara nos centros escolares ao alumnado. Na maioría dos casos, esa tarefa encargóuselle ao voluntariado de Protección Civil, que en moitas cidades tamén está a facer entrega de material impreso a aqueles estudantes que teñen dificultades para seguir as clases on line ou que non poden imprimir os recursos que precisan para rematar o curso.

Atendendo ás múltiples queixas que tén recibido nas últimas semanas desde diferentes comunidades educativas, o grupo municipal de Compostela Aberta insta aos departamentos municipais de Educación e Políticas Sociais a buscar fórmulas que permitan achegar recursos educativos ás familias que carecen de ferramentas para o correcto seguimento das clases virtuais, co obxectivo de que esta crise sanitaria non supoña unha maior fenda no acceso á educación dos nenos e nenas de Santiago.

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies