VISITA Á ESCOLA DO GAIOSO

Compostela Aberta pide medidas para garantir a supervivencia das escolas unitarias do rural

María Rozas visitou a escola do Gaioso, na parroquia do Eixo, que podería pechar as súas portas se non consegue máis alumnado para o próximo curso
  • CA pídelle ao Goberno que apoie á comunidade educativa, que está estudando a posibilidade de crear un Colexio Rural Agrupado cos tres centros rurais de Compostela

Compostela Aberta levará ao Pleno da próxima semana unha moción para que a Corporación municipal traslade o seu apoio á comunidade educativa da Escola Infantil do Gaioso, na parroquia do Eixo, que se atopa en risco de peche se non incrementa o número de nenos e nenas matriculadas para o próximo curso. A portavoz de CA, María Rozas, volveulle reclamar ao Goberno “que adopte as medidas necesarias e que medie diante da Xunta para procurar fórmulas que eviten a desaparición desta escoliña, unha das tres unitarias que sobreviven no rural de Santiago”.

María Rozas vén de realizar unha visita á Escola Infantil do Gaioso, que está organizando xornadas de portas abertas para dar a coñecer o centro entre as familias e tratar de incrementar o número de matrículas para o vindeiro curso. A portavoz municipal de Compostela Aberta lamentou que o centro volva estar nunha situación incerta, como xa lle aconteceu no pasado curso, e lembrou que xa naquel momento “CA reclamara que as administracións adoptaran medidas para garantir certa estabilidade tanto á escola do Eixo como ás outras dúas unitarias do rural que quedan en Compostela, nas parroquias de Marrozos e Laraño”. Para a concelleira, “é preciso poñer en valor estas escolas, que son máis pequenas, teñen máis espazo ao aire libre, contan cunha menor ratio de alumnado que facilita unha atención máis personalizada, e que promoven a convivencia entre crianzas de diferentes idades, beneficiando o seu desenvolvemento”.

Estudar a creación dun CRA

A portavoz de Compostela Aberta instou ao Goberno a apoiar ao profesorado das tres escolas unitarias de Santiago, que están estudando a posibilidade de crear un CRA, un Colexio Rural Agrupado. Esta fórmula, que funciona cun gran éxito en concellos próximos como Vedra e Boqueixón, “permitiría que as tres unitarias formaran unha única escola a efectos administrativos, compartindo recursos e profesorado, pero mantendo as súas instalacións individuais, e facilitaría a procura de solucións para mellorar a oferta das escolas para favorecer a conciliación das familias, unha das eivas que teñen as unitarias do rural para atraer alumnado”.

Por último, María Rozas reclamoulle ao Goberno que acometa de maneira inmediata a actuación de mellora na entrada da escola infantil de Gaioso que solicita a comunidade educativa “para contribuir a que o centro sexa o máis atractivo posible para as familias e axudar a incrementar o número de matrícula que garanta a súa permanencia”.

Escola unitaria do Gaioso, na parroquia do Eixo
María Rozas visitou a escola nas xornadas de portas abertas que organizan a AFA e a mestra Guiomar
Exterior da escola do Gaioso
Outro momento da visita
Entrada do centro na que a comunidade educativa pide unha actuación de mellora
Documentación
relacionada
MOCIÓN DO GRUPO MUNICIPAL DE COMPOSTELA ABERTA EN APOIO Á ESCOLA UNITARIA O GAIOSO E PARA A CONTINUIDADE DAS ESCOLAS UNITARIAS DO RURAL DE SANTIAGO
Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo