CA pregunta polo estado de abandono dos quioscos da Alameda e a Praza de Vigo

Imaxe difundida por Onda Cero-Santiago nas súas RRSS
  • O Goberno adxudicou a explotación do equipamento da Alameda en decembro de 2021, pero o quiosco segue pechado e “dando unha imaxe lamentable”

Compostela Aberta vén de rexistrar unha pregunta para que o Goberno local explique a situación na que se atopan os quioscos da Alameda e da Praza de Vigo e dea conta das medidas inmediatas que vai adoptar para mellorar “o lamentable estado no que se atopan estes equipamentos, en especial o situado no parque máis emblemático de Santiago”. A portavoz municipal, Marta Lois, lamentou “o abandono deste quiosco, ao que se lle podería dar algún uso temporal, como xa se fixo durante o mandato de Compostela Aberta con iniciativas como a exposición vinculada ás Irmandades da Fala”.

A concelleira de CA lembrou que, en decembro de 2021, a Xunta de Goberno resolveu o procedemento para a concesión da explotación dos quioscos da Praza de Vigo e da Alameda. O primeiro deles foi declarado deserto, pero o segundo foi adxudicado a unha empresa que ofertara o pago dun canon de 4.00 euros anuais. Malia esta resolución, sinalou Marta Lois, “a día de hoxe o quiosco segue pechado, deteriorándose notablemente e dando moi mala imaxe”. Por este motivo, Compostela Aberta vén de preguntarlle ao Goberno cando se vai iniciar a explotación do quiosco da Alameda e en que condicións, cando prevé reiniciar a licitación da explotación do quiosco da Praza de Vigo e con que modificacións con respecto ao procedemento que quedou deserto, e que medidas inmediatas vai adoptar o Goberno para corrixir a lamentable imaxe que presentan ambos equipamentos.

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo