Compostela Aberta solicita o arranxo do pavimento da Costa de San Domingos de Bonaval

O viario presenta un estado deficitario, sobre todo no tramo máis próximo ao Museo do Pobo Galego

Compostela Aberta levará ao Pleno do próximo mércores un rogo no que lle solicita ao Goberno Local o arranxo da Costa de San Domingos de Bonaval. O pavimento do viario presenta numerosas deficiencias, sobre todo no seu último tramo.

A Costa de San Domingos de Bonaval, que comunica a Porta do Camiño coa rúa de Valle Inclán, precisa dun mantemento e dunha vixilancia especialmente sensible, por mor das características do seu pavimento de chapacuña. Ademais, este é un viario cunha importante carga de tránsito rodado, xa que é utilizado como acceso ao colexio de La Salle, polas persoas usuarias do aparcamento, e mesmo por autobuses que utilizan a dársena próxima. Na actualidade, a Costa de San Domingos de Bonaval, no tramo máis próximo ao Museo do Pobo Galego e ao CGAC, presenta numerosos afundimentos e está totalmente degradada. Tamén aparecen importantes fochancas na parte inicial da rúa de Valle Inclán, xa con pavimento asfáltico.

Contratos de mantemento

No pasado mandato, o Goberno de Compostela Aberta fixo do mantemento da rede viaria unha das súas prioridades, por mor da situación de abandono que presentaba a cidade neste aspecto. Por iso, apróbaronse varios grandes contratos de mantemento, o último deles vixente desde o pasado mes de febreiro. A adxudicación, por dous anos, dividiuse en tres lotes con diferentes orzamentos: un millón de euros para o mantemento e reparación de viarios con pavimentos asfálticos; 600.000 euros para os pavimentos non asfálticos; e 300.000 euros, para os viarios sen pavimentos de rodadura específicos.

PODES CONSULTAR AQUÍ O ROGO DE CA SOBRE A REPARACIÓN E MANTEMENTO DA COSTA DE SAN DOMINGOS DE BONAVAL

Novas
relacionadas

María Rozas denuncia “a falta de impulso político e de capacidade de xestión da concellería de Deportes” nun encontro con entidades deportivas de Santiago

A candidata de Compostela Aberta considera que “remata un mandato en branco, sen avances nas novas infraestructuras deportivas nin en mantemento, e con continuos problemas na tramitación das subvencións municipais”

María Rozas no COAG: “Precisamos unha administración máis eficiente  e un Goberno máis dialogante para resolver os retos de Santiago”

A portavoz municipal mantén unha xuntanza cunha representación do Colexio Oficial de Arquitectos para presentar as propostas de Compostela Aberta en materia de mobilidade, mellora dos espazos públicos ou vivenda “despois dun mandato perdido para a veciñanza”

María Rozas: “É pouco crible que Bugallo anuncie plans de investimentos para Lavacolla mentres non realiza nin o mantemento dos viarios da parroquia”

A portavoz de Compostela Aberta e o concelleiro Xan Duro visitaron Lavacolla para recoller as demandas da veciñanza

María Rozas: “Se quere pechar o caso Pichel, Bugallo perdeu onte unha gran oportunidade de dar explicacións e despexar dúbidas no Pleno”

A portavoz de Compostela Aberta lamenta que o Goberno non respondera a ningunha das preguntas que leva formulando máis de dez días

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo