CA pide explicacións sobre o cumprimento do contrato para a dotación de contenedores intelixentes no marco do Smartiago

A APP do proxecto informa da existencia de tres colectores, pero ningún deles está no lugar sinalado
  • María Rozas lamenta que “o Goberno volva a facer todo ás presas, e leve a un Pleno extraordinario o pago de 1,8 millóns de euros do Smartiago que teñen que estar abonadas en seis días para non perder os fondos”

A portavoz municipal de Compostela Aberta pediulle hoxe ao Goberno que explique onde están os contedores do lixo intelixentes que supostamente foron entregados ao Concello no marco do proxecto Smartiago, na liña de acción relativa á xestión dos residuos sólidos urbanos. María Rozas explicou que “ainda que existe unha app que informa da situación dos tres colectores acordados no contrato, ningún deles se atopa na localización sinalada, nin tampouco nunca se informou da súa existencia a través da web municipal”. A concelleira de CA pediulle aclaracións despois do Pleno extraordinario celebrado hoxe, non que se aprobou un expediente de recoñecemento extraxudicial de crédito para pagar máis de 1,8 millóns de euros de facturas pendentes do proxecto Smartiago.

No listado de facturas incluídas no expediente que o Goberno levou hoxe a Pleno figuran dúas que a empresa Wellness presentou o 23 de decembro de 2022, relativas á provisión de colectores inteligentes de superficie para a caracterización de residuos sólidos urbanos á a unha actividade de formación vinculada ao tratamento de residuos. Ambas suman 223.245 euros, que é xusto a cantidade que o Concello tiña pendente de pagar en relación ao sistema de recollida intelixente de residuos sólidos urbanos previsto no Smartiago. María Rozas mostrou a súa estrañeza porque o Concello considere executados eses traballos, “porque nunca se presentaron publicamente eses contedores, nunca os vimos nas rúas, e mesmo o alcalde recoñecía en decembro moitas dificultades para desenvolver esta liña do proxecto, nun acto de balance sobre o Smartiago celebrado o 19 de decembro”. A portavoz de Compostela Aberta explicou que “a sorpresa é ainda maior, porque a empresa adxudicataria do contrato sí informou na súa páxina web dunha visita a Santiago no mes de novembro para presentar os contedores intelixentes, cunha fotografía na que non se recoñece a ningún persoal municipal”. Ademais, na conta de Twitter do proxecto Smartiago aparece unha referencia á instalación dun deses contedores no CEIP de Vite, con data de 11 de decembro de 2022, contedor que a día de hoxe xa non está no centro educativo. Tampouco se sabe nada dos outros dos contedores, que segundo a APP “Novobin” vinculada ao proxecto, deberían estar na rúa de Santa Cristina e en Rapa da Folla.

Falta de respostas no Pleno extraordinario

María Rozas preguntou pola execución deste proxecto no Pleno extraordinario de hoxe pero, ante a falta de respostas, vén de rexistrar unha pregunta para a súa resposta por escrito para que o Goberno aclare onde están instalados os colectores, cal foi o funcionamento do que estivo instalado no CEIP de Vite e por que se retirou desa localización.

No Pleno extraordinario de hoxe aprobouse o pago de 1,8 millóns de euros de facturas pendentes do Smartiago, facturas que teñen que estar abonadas dentro de seis días, o 22 de marzo. María Rozas incidiou en que “o PSOE está a feito a tramitar todo ás presas e no último momento, tanto tén que sexan as súas listas electorais como expedientes que lles custarán centos de miles de euros a todos os veciños e veciñas de Santiago”. A portavoz municipal Compostela Aberta insistiu en que “estamos a falar, ademais, de facturas asumidas de xeito irregular, algunhas feitas sen contrato que as soportara, outras tramitadas despois de rematado o contrato correspondente, e outras de traballos que incumpriron os pregos da contratación, facturas que teñen que ser abonadas para que o Concello non perda catro millóns de euros de fondos do Smartiago”.

Para Rozas, este expediente “é escandaloso, e supón a guinda a catro anos nefastos na xestión do Concello, de descontrol nos contratos, de facturas pendentes que suman millóns e millóns de euros, e de incumprimentos continuos do periodo medio de pago a provedores, que só estivo por debaixo dos 30 días en seis meses de todo o mandato”.

Documentación
relacionada
PREGUNTA PARA RESPOSTA ESCRITA DO GRUPO MUNICIPAL DE COMPOSTELA ABERTA SOBRE A EXECUCIÓN DO PROXECTO SMARTIAGO NO QUE TÉN QUE VER COAS ACTUACIÓNS DE XESTIÓN DOS RESIDUOS
Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo