Eleccións da Coordinadora e Comisión de Garantías 2019

Compostela Aberta abre o proceso para renovar os seus órganos internos, Coordinadora e Comisión de Garantías, tal e como foi aprobado na súa asemblea do pasado 19 de novembro.

Nestas eleccións poderán participar todas as persoas maiores de 18 anos que estean incritas como afiliadas en Compostela Aberta antes do 27 de novembro e serán elixidas 12 persoas para a Coordinadora e 4 para a Comisión de Garantías.

CALENDARIO

  • MARTES 26 DE NOVEMBRO ÁS 23:59: Peche do censo para participar nas eleccións
  • MÉRCORES 27 DE NOVEMBRO – MARTES 3 DE DECEMBRO (23:59): Presentación de candidaturas
  • MÉRCORES 4 DE DECEMBRO: Publicación de candidaturas provisionais
  • XOVES 5 DE DECEMBRO: Publicación de candidaturas definitivas
  • VENRES 13 – SÁBADO 14 DE DECEMBRO: Votación presencial no local e horario habilitado pola comisión electoral
  • LUNS 16 DE DECEMBRO: Publicación de resultados provisionais
  • MÉRCORES 18 DE DECEMBRO: Proclamación dos resultados definitivos


REGULAMENTO E PRESENTACIÓN DE CANDIDATURAS

No seguinte enlace podes consultar o regulamento destas eleccións que será co sistema de listas abertas. As persoas inscritas poderán candidatarse, entre o 27 de novembro e o 3 de decembro, enviando un mail a organizacion@compostelaaberta.org  onde poderás incluír unha breve descrición do teu perfil e motivación (500 caracteres máximo) e unha foto dixitalizada.

COMISIÓN ELECTORAL

Tal e como foi aprobado na asemblea do 19 de novembro, a Comisión Electoral destas eleccións internas estará composto por:

Óscar Cobos Mártinez
Jorge Duarte Vázquez
Flora Miranda Pena
Miguel Penas Rodríguez
Iolanda Rei Rodríguez


O mércores 4 de decembro en reunión da comisión electoral e comprobadas as candidaturas individuais presentadas dentro do prazo estipulado publicanse, provisoriamente, as seguintes:

CANDIDATURAS DEFINITIVAS Á COORDENADORA

Diego Horschovski
Chus Iglesias
Xan Duro
Graciela Carro
Fernando De La Torre
Cris Calvete
Raquel López
Concha Fernández
Pepe Arias
Xosé Ramón Fandiño
Mónica García
Manuel López Besteiro

CANDIDATURAS DEFINITIVAS Á COMISIÓN DE GARANTÍAS

Antonio Pérez Casas
Mariluz López
Marisa Álvarez
Jerónimo Couceiro


Aprobación da coordinadora en Asemblea Xeral extraordinaria (10 de decembro de 2019)

Unha vez comprobadas as candidaturas individuais á coordenadora e á comisión de garantías, a comisión electoral propuxo á asemblea a seguinte

PROPOSTA:

Segundo o ‘Regulamento para a elección da coordinadora e comisión de garantías de Compostela Aberta‘, aprobado na última asemblea do pasado 19 de novembro, “A dirección do proceso electoral e todas as cuestións relacionadas con el correspóndelle á Asemblea de Compostela Aberta, que delegará o seu desenvolvemento nunha Comisión Electoral creada especificamente para este cometido” (artigo 5.1) Tendo en conta que as candidaturas individuais validadas pola comisión electoral, tanto á coordinadora como á comisión de garantías, cumpren os requisitos de representación de xénero e son de igual número ou menor que o número de persoas a elixir, a comisión electoral proponlle á asemblea:

– Aprobar directamente a eleccións da nova coordinadora, en asemblea, sen necesidade realizar as xornadas electorais previstas.

O resultado da asemblea foi de 23 votos a favor da proposta, 0 en contra e 2 votos en branco, polo que tanto coordenadora como comisión de garantías pasaron a ser electas directamente e anuladas as xornadas electorais previstas

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies