Grupo Municipal 2019

En maio de 2019 Compostela Aberta consegue 10.651 votos acada 5 concellerías. Un grupo municipal que co seu esforzo e traballo diario contribúe a facer a Compostela que queremos máis.

Teléfono: 981 542 360
Correo: compostelaaberta@santiagodecompostela.gal

Martiño Noriega Sánchez

Martiño Noriega Sánchez

Portavoz do Grupo Municipal

Nado en 1975 e pai dun neno e dunha nena. Licenciado en Medicina pola Facultade de Compostela, onde tamén obtivo o DEA en Saúde Pública no 2010. Realizou a especialidade en Medicina de Familia na área sanitaria de Santiago (CS Fontiñas,CHUS) e traballou posteriormente no 061 ate o 2007. Criado ate os 5 anos no Ensanche compostelán, vive dende esa idade no Concello de Teo, onde foi alcalde durante 8 anos (2007-2015). Alcalde de Santiago de Compostela na lexislatura 2015-2019.

Branca Novoneyra

Branca Novoneyra

Licenciada en Ciencias Políticas e da Administración pola Universidade de Santiago de Compostela, DEA en Educación Artística pola Universidade de Granada e especialista en Edición Dixital pola UOC. Durante dez anos traballou no ámbito da danza contemporánea e xestionou o Laboratorio de Movementos. É autora de dous libros de poesía e traballa no eido da xestión cultural, centrada no espazo editorial. Coorganiza o ciclo de lecturas poéticas Picaversos e colabora activamente con diversas estruturas e artistas en proxectos escénicos e poéticos. Concelleira de Acción Cultural en Santiago de Compostela na lexislatura 2015-2019.

Rafael Peña Vidal

Rafael Peña Vidal

Veciño da Lavacolla e traballador do aeroporto no servizo de asistencia a persoas con mobilidade reducida, ten un activo compromiso na defensa dos intereses laborais e sociais da xente coa que traballa, polo que é responsable das seccións sindicais da CIG no aeroporto. Forma parte dende mozo do tecido asociativo e do movemento veciñal do rural de Compostela. Concelleiro de Medio Rural, Mantemento e Obras para o Equilibrio Territorial en Santiago de Compostela na lexislatura 2015-2019.

Marta Lois González

Marta Lois González

Naceu en Vigo en 1969, ten unha filla e un fillo. Leva máis de 25 anos vivindo en Santiago de Compostela. Forma parte da directiva da ANPA do CEIP de Fontiñas e foi membro do Consello Escolar deste mesmo centro. É profesora na Facultade de Ciencias Políticas da USC. Os temas nos que habitualmente traballa están relacionados coas políticas públicas, a igualdade de xénero e a representación política. É parte dun amplo grupo de investigación sobre xénero e política con profesoras e investigadoras de varias universidades do Estado. Ademais, é integrante do grupo Armela, que analiza o impacto da actual crise económica no desenvolvemento e garantía dos dereitos sociais e a igualdade de oportunidades entre a cidadanía. Concelleira de Igualdade, Desenvolvemento Económico e Turismo en Santiago de Compostela na lexislatura 2015-2019.

Jorge Duarte Vázquez

Jorge Duarte Vázquez

Nado no 1966, natural de Boimorto, arquitecto pola ETSA da Coruña, con especialización en Urbanismo e Rehabilitación e Renovación Urbana. Reside en Santiago de Compostela dende principios dos noventa e traballa no estudio Atrio Arquitectura, onde aborda proxectos de rehabilitación, de turismo rural, arquitectura bioclimática e tamén proxectos de urbanización. Foi presidente do Colexio de Arquitectos en Compostela e decano do Colexio de Arquitectos de Galicia e coordinou o Manual de Calidade do Proxecto Arquitectónico do Consello Superior de Arquitectos de España. Concelleiro de Espazos Cidadáns, Dereito á Vivenda e Mobilidade en Santiago de Compostela na lexislatura 2015-2019.

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies