Máis dun ano con goteiras no CEIP López Ferreiro sen que o Goberno de Bugallo actúe

María Rozas esixe que as reparacións se acometan nas vacacións de Nadal “para evitar situacións de inseguridade como as que xa se produciron coa caída de planchas do falso teito por mor da humidade acumulada”

Compostela Aberta pídelle a Concello e Xunta que colaboren na elaboración dun Informe de Avaliación do Edificio do CEIP, que tén xa máis de 50 anos de antigüidade

A ANPA do CEIP López Ferreiro leva desde o 24 de xaneiro agardando que o Concello atenda as súas demandas para o arranxo dalgunhas deficiencias do centro, as máis graves as goteiras que lle afectan ao comedor e á aula de informátiva. Denunciouno María Rozas, despois de realizar unha visita ao colexio na que estivo acompañada pola presidenta da ANPA. A portavoz de Compostela Aberta lamentou que “unha vez máis o concelleiro de Educación demostra a súa incapacidade, que é tamén a incapacidade do propio alcalde”. CA reclamará no próximo Pleno que as reparacións se acometan de maneira urxente, xa no período non lectivo do Nadal.

A portavoz de Compostela Aberta visitou o CEIP López Ferreiro para coñecer as demandas da comunidade educativa dun centro “que é dos máis antigos de Santiago, e tamén dos que teñen unha maior matrícula, con máis de 450 alumnos e alumnas de Infantil e Primaria”. María Rozas escoitou algunhas reclamacións das que o Goberno de Bugallo é coñecedor desde o 24 de xaneiro, cando a ANPA lle remitiu un dossier na que relataba as deficiencias do colexio. Ainda que o Concello sí resolveu algunhas cuestións que lle afectaban ao exterior do edificio, “case un ano despois o Goberno de Bugallo non respondeu á demanda máis urxente da ANPA: o arranxo das goteiras que lle afectan principalmente ao comedor e tamén á aula de informática”. Para María Rozas, “non se entende que as concellerías de Educación e Obras non preveran esta actuación para os periodos non lectivos, porque falamos dun espazo, o comedor, que utilizan a diario máis de 240 nenos e nenas, e outros cen de forma ocasional, e porque se están a provocar situacións de inseguridade”. Ao respecto, explicou que a humidade acumulada provocou a caída dunhas planchas do falso teito, “que por sorte non se produciu cando estaban as crianzas comendo”, e apuntou tamén que “é preocupante que teñamos pingueiras nunha aula chea de equipamentos informáticos”. Por iso, Compostela Aberta demandará no próximo Pleno que esta actuación sexa acometida xa durante as próximas vacacións do Nadal, “para que o comedor do CEIP quede en bo estado de cara á época de chuvias do inverno e da primavera”.

Ademais, na moción que defenderá María Rozas, ínstase ao Goberno local e á Consellería de Educación a colaborar na elaboración dun Informe de Avaliación do Edificio que acolle o CEIP López Ferreiro. A portavoz de CA lembrou que o inmoble “tén xa máis de 50 anos anos, e este tipo de informes van ser obrigatorios para todos os edificios residenciais desa antigüidade”. O obxectivo do documento, explicou, sería o de planificar e orzar as melloras e investimentos que require o colexio.

PODES CONSULTAR AQUÍ A MOCIÓN DO GRUPO MUNICIPAL DE COMPOSTELA ABERTA PARA QUE O CONCELLO DE SANTIAGO E A XUNTA DE GALICIA ATENDAN E SOLUCIONEN VARIAS URXENCIAS NO CEIP LÓPEZ FERREIRO

Novas
relacionadas

O Pleno de Santiago debaterá unha moción conxunta de CA e BNG para rexeitar o proxecto de Altri

Os dous grupos do Goberno solicítanlle á Xunta que emita un informe negativo a ese proxecto industrial contaminante pola súa afectación ambiental, patrimonial e económica

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo