María Rozas asina o acordo entre o Foro Cívico e as forzas políticas municipais para atender os retos de Santiago  

A candidata de Compostela Aberta cualifica de “moi positivo que se poña o foco sobre cuestións que van alén das grandes infraestruturas, e das que CA leva falando xa moitos anos como a gobernanza o turismo”

María Rozas asinou hoxe o acordo entre o Foro Cívico e as forzas políticas con representación no Concello, que recolle os principais retos que terá que afrontar o novo Goberno que saia das urnas o próximo domingo. A candidata de Compostela Aberta salientou que “este acordo non pón o foco só nas grandes infraestruturas, senón tamén en cuestións que lle afectan á vida diaria da xente,  sobre as que CA leva falando xa desde o pasado mandato, como poden ser a vivenda ou a necesidade de apostar por un modelo turístico máis sostible”. Rozas agradeceulle ao Foro Cívico “o seu esforzo por impulsar este documento, que demostra que Santiago se constrúe tamén desde a sociedade civil, e non só desde as administracións”.

O acordo asinado hoxe sinala como principais retos para os próximos anos a planificación do espazo destinado ao Hospital Clínico e o aparcamento neste ámbito, a falta de vivenda, o ciclo integral da auga, a estación de mercadorías da Sionlla, a industrialización, e a xestión dun turismo máis sustentable. O pacto foi suscrito polso candidatos e candidatas das catro formacións que teñen representación na actual Corporación municipal.

María Rozas salientou que “os asuntos que se sinalan neste acordo como prioritarios para Santiago son cuestións das que Compostela Aberta leva falando moitos anos, e é positivo que todas as forzas políticas recoñezan que a nosa cidade tén moitos retos máis alá das grandes infraestruturas recollidas no anterior pacto asinado en 2019”. Para a candidata de Compostela Aberta, “é boa noticia que todas as forzas asuman que o Concello debe afrontar o reto de garantir a convivencia entre veciñanza e turismo, que se poña o foco sobre a gobernanza do turismo, e tamén sobre a evidencia de que Santiago non pode vivir só do turismo senón que tén que impulsar unha industrialización que bote man, entre outras cuestións, do talento que emana da nosa Universidade”.  Do mesmo xeito, valorou positivamente que todas as forzas “mostren vontade de solucionar o problema que tén Santiago co saneamento e abastecemento de auga, que debe quedar solventado no próximo mandato”.

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo