María Rozas: “Asinamos un bo acordo para Santiago, que atende ao que nos pediu a veciñanza: un goberno de esquerdas e plural”

Compostela Aberta e BNG asinaron as bases do acordo de goberno transformador para Santiago durante o mandato 2023-2027
  • María Rozas ocupará a primeira tenencia da alcaldía no Gobierno de coalición

María Rozas e Goretti Sanmartín asinaron hoxe as liñas xerais do acordo programático para os próximos anos, sobre as que se sustenta o pacto entre Compostela Aberta e BNG que permitirá que Santiago teña nos próximos anos “un goberno progresista, transformador, diverso e plural”. Rozas mostrou a súa satisfacción por este acordo “que lle dá cumprimento ao mandato das urnas do pasado 28 de maio, cando a veciñanza nos dixo que quería un Goberno de esquerdas e plural para afrontar os retos que tén por diante Santiago, e desde CA actuamos en consecuencia”.

María Rozas insistiu en que “hoxe é un día para felicitarnos por este acordo, que chega antes da toma de posesión da nova Corporación municipal, atendendo ao compromiso que expresou Compostela Aberta de non dilatar os tempos, porque sabemos que Santiago precisa un Gobierno estable desde o primeiro día”. A portavoz de CA, que ocupará a primeira tenencia de alcaldía no novo Goberno, mostrouse convencida de que “acadamos un bo acordo para Santiago, despois dunhas semanas de intenso traballo para garantir un pacto programático que atende aos principais retos que temos por diante”.

No documento asinado hoxe, Compostela Aberta e BNG comprométense a, desde o futuro goberno, impulsar a igualdade e o feminismo de xeito tranversal en todas as áreas de goberno; traballar para garantir todos os dereitos sociais para todas as persoas; fomentar a creación de emprego de calidade, os dereitos de conciliación e a diversificación económica en colaboración co tecido empresarial e sindical e establecendo sinerxias coa USC;  e a adoptar medidas a favor da sustentabilidade, da naturalización dos espazos urbanos, e do equilibrio territorial”. O próximo executivo tamén se compromete a exercer como capital do país eccomo plataforma de proxección internacional galega e a traballar en colaboración con outras administracións e institucións para conseguir recursos na defensa dos intereses de Santiago. 

Tal e como se sinala no documento asinado hoxe, a actuación do Goberno transformador 2023-2027 rexerase polos principios de cohesión, eficacia, lealdade e transparencia, en diálogo cos tecidos social e asociativo de Santiago, que será partícipe da toma de decisións estratéxicas para Compostela co obxectivo de incrementar a calidade de vida da veciñanza.

Documentación
relacionada
BASES DO ACORDO DE GOBERNO TRANSFORMADOR BNG-CA PARA 2023-2027
Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

“Nos primeiros cen días de Goberno atendimos urxencias como a dos autobuses, recuperamos o diálogo social, e reconducimos o proxecto do Centro de Persoas sen Fogar” 

O Goberno mantivo un encontro cos medios de comunicación para facer balace dos cen primeiros días de mandato

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo