María Rozas: “Os orzamentos do Estado son bos no social, pero decepcionantes para Santiago”

  • A concelleira de Compostela Aberta pregunta “onde están os máis de 280 millóns dos que presumiu Bugallo tras a reunión do Real Padroado” e pide explicacións polo atraso nas previsións para a entrada en funcionamento da EDAR

“Positivos porque teñen un marcado carácter social, decepcionantes porque non inclúen compromisos concretos con Santiago”. Así se referiu María Rozas aos Orzamentos Xerais do Estado para 2023, “que lamentablemente nos dan a razón: Bugallo segue vivindo da inercia dos proxectos desbloqueados polo Goberno de Compostela Aberta, e leva tres anos vendendo fume”. 

María Rozas incidiu en que Compostela Aberta fai unha valoración positiva dos Orzamentos do Estado porque teñen un marcado carácter social. A concelleira de CA explicou que “para nós non se poden valorar as contas únicamente polos investimentos en cemento, porque hai cuestións que repercuten aínda máis na vida da veciñanza, tamén na de Santiago, como é o gasto en educación, sanidade, axudas á dependencia, ou axudas ás familias”. 

Falta de compromiso con Santiago

No que tén que ver coas partidas concretas para Santiago, Rozas considerou que os presupostos “son absolutamente decepcionantes”. A concelleira de CA foi moi crítica coa partida para o Consorcio, que tan só se incrementa 200.000 euros con respecto a 2022, “porque confirma o que xa sospeitabamos: que o Real Padroado celebrado hai máis dun ano só serviu para que o alcalde Bugallo vendera fume, porque seguimos sen saber nada dos máis de 280 millóns de euros comprometidos nesa xuntanza”.

María Rozas recoñeceu tamén “certa preocupación coa marcha do proxecto da EDAR, porque ainda que aparece nos orzamentos, o groso do investimento non se prevé ata 2024 e a data fixada para o remate da actuación é o 2027”. Esas previsións, sinalou, “chocan co anunciado hai tan só un ano, cando se nos dixo que a nova depuradora entraría en funcionamento a finais de 2025 ou principios de 2026”. A concelleira de CA urxiu ao alcalde “a estar vixilante a e exixir que se cumpran os compromisos adquiridos con Santiago, nunha infraestrutura pola que xa levamos demasiados anos agardando e que, hai que lembralo, foi desbloqueada polo Goberno de Compostela Aberta”.

Por último, María Rozas considerou “preocupante que Santiago non aparece en ningunha partida concreta do Plan de Recuperación e Resiliencia, ao contrario do que acontece con outras cidades galegas”. A concelleira pediulle ao alcalde que “aclare se a capital galega vai recibir algúns destes fondos, a través dalgunha partida xenérica que non estea concretada, porque do contrario estariamos falando novamente de proxectos que xa foron publicitados reiteradamente, pero que non verán a luz”.

 

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo