María Rozas pídelle ao Goberno que explique cando vai impulsar o proceso de Orzamentos Participativos acordado con CA

  • O acordo para  viabilización dos orzamentos asinado con Compostela Aberta contemplaba unha partida de 250.000 euros para poñer en marcha este proceso, do que nada se sabe medio ano despois

María Rozas instou hoxe ao Goberno a explicar “cando e como lle vai dar cumprimento ao acordo asinado con Compostela Aberta para a aprobación dos orzamentos municipais de 2022, no que ten que ver coa recuperación dos orzamentos participativos”. A concelleira de CA mostrou a súa preocupación “porque transcorrido o primeiro semestre do ano, non temos ningunha noticia sobre como se vai desenvolver este proceso, que precisa dos seus tempos para ser realmente representativo e participado”.

María Rozas lembrou que no acordo asinado entre os grupos municipais do PSOE e de CA para a viabilización dos orzamentos de 2022 recolleuse o compromiso de que o Goberno recuperaría o instrumento dos Orzamentos Participativos, cunha partida de case 250.000 euros. Ese acordo foi asinado o 18 de xaneiro, “e xusto medio ano despois nada sabemos dos plans de Bugallo para cumprilo”. A concelleira de CA denunciou que “a estas alturas do ano empezamos a temer que a partida quede sen executar e o acordo sen cumprir, porque é previsible que non se inicie ningún proceso ata a volta do verán e só hai dúas opcións: que non se culmine, ou que non sexa realmente aberto á cidadanía”.

Rozas explicou que durante o pasado mandato, o Goberno de Compostela Aberta desenvolveu o proceso de Orzamentos Participativos baixo a denominación de “Compostela Decide”, cunha partida de 1,5 millóns de euros na súa última edición. A concelleira recordou tamén que “desde o inicio do mandato Bugallo mostrouse moi reacio a utilizar este instrumento, que sí mantiveron outros alcaldes socialistas como a da Coruña, e só aceptou recuperalo para que CA lle garantira a viabilización das contas de 2022 nun acordo que agora parece disposto a incumprir”. Compostela Aberta levará ao próximo Pleno unha pregunta para que o Goberno dea conta dos prazos que prevé para a posta en marcha dos Orzamentos Participativos.

PODES CONSULTAR AQUÍ A PREGUNTA ORAL DO GRUPO MUNICIPAL DE COMPOSTELA ABERTA SOBRE OS ORZAMENTOS PARTICIPATIVOS 2022

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo