Marta Lois e María Rozas visitan as obras do biopolo da Sionlla

  • A portavoz de Compostela Aberta lamentou “a pasividade do Goberno de Bugallo cun proxecto que recibiu definido do anterior mandato e no que só se está deixando levar”
  • A construción do biopolo avanza a bo ritmo, e o edificio podería estar rematado en decembro, malia que o Concello atrasou un ano a cesión da parcela

A portavoz municipal de Compostela Aberta, Marta Lois, e a concelleira María Rozas realizaron esta mañá unha visita á parcela na que se vai localizar o biopolo da Sionlla, “un proxecto que non acaba de ter o pulo e constancia que precisa por parte do Goberno local”. As dúas edís estiveron acompañadas polo presidente da Área Empresarial do Tambre, José Fernández Alborés e polo xerente da entidade, José Manuel Beceiro. 

Marta Lois e María Rozas puideron comprobar como avanzan as obras de construción do biopolo, que comezaron en decembro de 2021, e que se preve que rematen no mesmo mes deste ano. O presidente da Área Empresarial do Tambre explicou que, xa antes de que o edificio estea concluído, estáse a comprobar o interese das empresas por este proxecto, que tén como obxectivo promover a transferencia da investigación á sociedade e de ampliar a base económica de Santiago. De feito, desde o comezo das obras, xa foron máis dunha ducia as empresas que mostraron a súa intención de adherirse a Sionlla Biotech, a sociedade creada para impulsar o biopolo.

Marta Lois lamentou que “este interese das empresas e mesmo o esforzo da Área Empresarial do Tambre contraste coa pasividade do Goberno de Bugallo, que está demostrando que non ten como unha das súas prioridades o desenvolvemento do biopolo”. Nesa liña, lembrou que “Bugallo tardou máis dun ano en iniciar os trámites para a cesión da parcela, e non o fixo ata que Compostela Aberta levou ao Pleno unha proposición que advertía do serio risco de que se incumpriran os prazos que condicionaban a subvención de 4 millóns de euros concedida pola Xunta para este proxecto”. “Outro exemplo de que o alcalde non tén o biopolo na cabeza”, engadiu Lois, “é o acontecido no Pleno extraordinario da pasada semana, na que o Goberno tivo que autoemendarse a escasos minutos da sesión para diminuir partidas dos remanentes previstas para diferentes axudas para ter fondos dispoñibles para a achega municipal ao proxecto”. Para a portavoz de Compostela Aberta, “non hai escusas para o ritmo aletargado que Bugallo lle imprimiu ao biopolo, un proxecto que recibiu completamente definido por parte do Goberno de Compostela Aberta, e que depende da colaboración de todas as partes implicadas, nomeadamente do Concello”.

Novas
relacionadas

A asamblea de Compostela Aberta decidirá sobre a oferta do BNG para entrar no Goberno

María Rozas insiste en que “CA reivindicará políticas progresistas e transformadoras en Santiago, desde calquera que sexa o seu rol no próximo mandato”

María Rozas: “Mentres algúns prometen enterrar 40 millóns de euros nunha soa rúa, CA comprométese a facer as obras precisas nos barrios e parroquias”

A candidata de Compostela Aberta reivindica que “nesta campaña quedou claro que só nós temos un proxecto claro para Santiago que nace das demandas da veciñanza”

CA creará unha empresa municipal para aforrar custos e mellorar servizos coma o de limpeza e a conserxería das instalacións municipais

María Rozas, André Seoane e Carminha Naveiro denunciaron “as condicións desiguais e o exceso de contratacións parciais que supón o actual sistema e concesións”

María Rozas asina o acordo entre o Foro Cívico e as forzas políticas municipais para atender os retos de Santiago  

A candidata de Compostela Aberta cualifica de “moi positivo que se poña o foco sobre cuestións que van alén das grandes infraestruturas, e das que CA leva falando xa moitos anos como a gobernanza o turismo”

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo