Marta Lois: “O Goberno leva todo o mandato incumprindo os seus compromisos en materia de Igualdade”

  • Compostela Aberta volve reclamar a actualización dos datos do Observatorio Municipal da Igualdade de Xénero “porque é o primeiro paso para deseñar políticas públicas efectivas”
  • A concelleira de CA pide a elaboración dun informe e unha campaña transversal “para frear a violencia machista en todas as súas formas, non só a violencia física senón tamén a psicolóxica, económica, obstétrica ou mesmo dixital”

Marta Lois volveulle pedir hoxe ao Goberno que actualice os datos do Observatorio Municipal da Igualdade de Xénero, e que realice un informe sobre a situación das mulleres vítimas da violencia machista en Santiago, “atendendo ás múltiples dimensións desta violencia, non só física, senón tamén psicolóxica, económica, obstétrica ou mesmo dixital”. A concelleira de Compostela Aberta incidiu en que “coñecer estes datos é fundamental para que o Concello, como administración máis próxima á veciñanza, desenvolva un traballo activo para facer da nosa unha cidade libre de violencias machistas en todas as súas formas, e para que Compostela sexa verdadeiro Territorio das Mulleres”.

No Pleno da próxima semana, Marta Lois defenderá unha moción para instar ao Goberno a actualizar os datos do Observatorio Municipal de Igualdade de Xénero, realizar un informe sobre a situación das mulleres vítimas da violencia machista, e poñer en marcha unha campaña de sensibilización contra as violencias machistas en todas as súas dimensións: violencia física, psicolóxica, sexual, obstétrica, económica, dixital, ou vicaria. A maiores, Compostela Aberta demandará a posta en marcha de actividades municipais de apoio institucional ao 25 de novembro, Día Internacional da Eliminación da Violencia contra as Mulleres, así como que o Concello colabore co movemento feminista na organización e loxística dos actos do 25-N.

Marta Lois urxiu ao Goberno local a “atender os compromisos e as actuacións que tén pendentes en materia de Igualdade, e polos que Compostela Aberta vén preguntando reiteradamente desde o inicio do mandato, desde o convencemento de que a administración local debe achegar todos os medios humanos e todos os recursos posibles para combater as violencias machistas”. A concelleira de CA insistiu en que “pouco sabemos do que se fixo ao longo deste mandato, e de como evolucionou a situación das mulleres de Santiago nestes últimos tres anos”. Por iso, Lois pediulle ao Goberno que elabore un informe “para transparentar información que consideramos moi relevante, como cantas mulleres foron atendidas pola concellería de Igualdade, cantas mulleres novas ou universitarias foron atendidas por mor dunha situación relacionada coas violencias machistas, cantas intervencións se realizaron nos puntos Lilas instalados nas festas, cales son os recursos de saída ou habitacionais dos que dispón o Concello para situacións de emerxencia por violencia de xénero, ou cantas veces se reuniu a Mesa Local de Coordinación Interinstitucional contra a violencia de xénero”. 

A concelleira de Compostela Aberta reclamoulle ao Goberno que “adopte unha posición máis activa para facer de Santiago unha cidade libre de violencias machistas, con iniciativas que permitan identificar, visibilizar e concienciar á cidadanía sobre as súas diferentes formas, para que as mulleres vítimas non se sintan soas fronte a calquera tipo de agresión machista”. Nese sentido, defendeu a necesidade dunha campaña transversal impulsada desde a administración local “que piña ao dispor da cidadanía todos os recursos adecuados para avanzar cara unha sociedade plenamente igualitaria”.

PODES CONSULTAR AQUÍ A MOCIÓN DO GRUPO MUNICIPAL DE COMPOSTELA ABERTA CONTRA AS VIOLENCIAS MACHISTAS E CON MOTIVO DA CONMEMORACIÓN DO 25-N, DÍA INTERNACIONAL DA ELIMINACIÓN DA VIOLENCIA CONTRA AS MULLERES

Novas
relacionadas

María Rozas denuncia “a falta de impulso político e de capacidade de xestión da concellería de Deportes” nun encontro con entidades deportivas de Santiago

A candidata de Compostela Aberta considera que “remata un mandato en branco, sen avances nas novas infraestructuras deportivas nin en mantemento, e con continuos problemas na tramitación das subvencións municipais”

María Rozas no COAG: “Precisamos unha administración máis eficiente  e un Goberno máis dialogante para resolver os retos de Santiago”

A portavoz municipal mantén unha xuntanza cunha representación do Colexio Oficial de Arquitectos para presentar as propostas de Compostela Aberta en materia de mobilidade, mellora dos espazos públicos ou vivenda “despois dun mandato perdido para a veciñanza”

María Rozas: “Se quere pechar o caso Pichel, Bugallo perdeu onte unha gran oportunidade de dar explicacións e despexar dúbidas no Pleno”

A portavoz de Compostela Aberta lamenta que o Goberno non respondera a ningunha das preguntas que leva formulando máis de dez días

CA insta ao Pleno a defender os dereitos sexuais e reprodutivos das mulleres e a rexeitar protocolos antiabortistas

Marta Lois advirte que “o acontecido en Castela e León semella non ser un caso illado senón responder a un intento de retroceder nas conquistas dos dereitos das mulleres co que o presidente da Xunta se tén mostrado comprensivo”

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo