- A portavoz de CA preguntará no Pleno polas accións transversais comprometidas polo Goberno “e das que nada se fixo no que levamos de mandato”
A portavoz municipal de CA avogou hoxe, no Día do Orgullo, por “ir un paso máis alá das políticas de sensibilización e visibilización do colectivo LGTBI, porque unha verdadeira Compostela Diversa require dunha mirada transversal que lle afecte a toda a acción municipal”. Marta Lois invitou ao Goberno “a cumprir o seu propio programa electoral, que xa recoñecía a necesidade destas políticas integrais nas que pouco ou nada se avanzou no que levamos de mandato”.
Marta Lois preguntará no próximo Pleno polas previsións do Goberno para a incorporación da perspectiva da diversidad sexual e de xénero nas diferentes áreas da política municipal, “para darlle cuprimento ao propio programa electoral do PSOE que establecía ata oito medidas concretas nesta materia ás que aínda non se lle deu cumprimento transcorridos máis de tres anos de mandato”. Ademais, a portavoz de CA pídelle ao Goberno que explique os seus plans para establecer un sistema de prevención e detección de posibles situacións de discriminación das persoas LGTBI en Santiago. Para Marta Lois, “tamén desde a administración local debemos estar vixilantes e contribuir a frear unha tendencia preocupante en todo o Estado, e máis cando sabemos que España ten pasado do 6º ao 11º posto no ranking dos dereitos LGTBI que elabora ILGA-Europa”.
A portavoz de Compostela Aberta sinalou que a programación presentada polo Concello para celebrar o día Internacional do Orgullo “é necesaria e de gran valor para o colectivo LGTBI, pero seguen estando centradas únicamente no mes de xuño, e é evidente que iso non abonda se queremos unha verdadeira Compostela Diversa, na que fiquen erradicadas a discriminación e a violencia cara as persoas LGTBI e que a tenda verdadeiramente as súas necesidades, vulnerabilidades e dereitos”.
PODES LER AQUÍ A PREGUNTA A PREGUNTA ORAL DO GRUPO MUNICIPAL DE COMPOSTELA ABERTA SOBRE AS POLÍTICAS PÚBLICAS PARA ATENDER A DIVERSIDADE SEXUAL E DE XÉNERO DO CONCELLO DE SANTIAGO
