O goberno local estudará de urxencia as posibilidades para atopar unha solución que mellore o servizo de autobuses urbanos

Considera que os recursos do contrato do transporte evidencian a ineficacia do PSOE para realizar os pregos

O goberno municipal de Santiago de Compostela destaca que a resolución do Tribunal Administrativo de Contratación Pública (TacGal) de estimar parcialmente tres recursos contra os pregos de contratación da xestión do servizo público de transporte urbano é unha proba da ineficacia do goberno saínte do PSOE con claras repercusións negativas para o conxunto da poboación. Trátase dun atranco que atrasa a posta en marcha do novo servizo de transporte urbano.

O novo goberno local traballará con toda a dilixencia para arranxar o proceso da licitación do concurso co obxectivo de que o novo servizo de transporte responda ás necesidades da veciñanza. Lembra que o anterior goberno socialista iniciou a licitación do servizo do transporte público un mes antes das eleccións municipais despois de catro anos de inacción, sen a mínima transparencia e sen o diálogo que esixe un contrato que ía ter un prazo de execución de 13 anos e un orzamento de 86 millóns de euros. Agora demóstrase que os pregos teñen numerosas eivas, froito da precipitación e das présas que lle entraron ao goberno socialista en tempo de desconto do pasado mandato e sen atender as demandas da veciñanza nin do persoal traballador para ofrecer un mellor servizo.

Desde o goberno municipal vanse estudar de urxencia as posibilidades que se abren a partir desta resolución do TacGal, para resolver canto antes o procedemento.

En calquera caso, advirten desde o goberno do Bloque Nacionalista Galego e de Compostela Aberta que esta situación forma parte da débeda que deixou o PSOE, da que o novo goberno local non é responsábel e que tentará solucionar o máis axiña posíbel para ofrecer un mellor servizo de transporte público en Santiago de Compostela.

Novas
relacionadas

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

“Nos primeiros cen días de Goberno atendimos urxencias como a dos autobuses, recuperamos o diálogo social, e reconducimos o proxecto do Centro de Persoas sen Fogar” 

O Goberno mantivo un encontro cos medios de comunicación para facer balace dos cen primeiros días de mandato

“Para CA, o responsable cos veciños era estar no goberno e aportar estabilidade”

Entrevista a María Rozas, concellería de Dereitos e Servizos Sociais e primeira tenente de alcaldesa

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo