A nosa
organización
Compostela Aberta é unha proposta colectiva da veciñanza de Santiago de Compostela, unha organización política de base asemblearia que confía na participación popular para aprofundar na democratización da nosa sociedade e as súas institucións. Que acredita na necesidade da implicación das maiorías no goberno do común e que favorece esa implicación no seu funcionamento orgánico.
Asemblea
A Asemblea Xeral é o máximo órgano de decisión e debate da nosa organización. Reúnese ordinariamente con unha periodicidade bimensual e nela poden participar, con idénticas capacidades e dereitos, todas as persoas inscritas en Compostela Aberta.
Coordinadora
A Coordinadora é o organismo de funcionamento ordinario de carácter executivo e compétenlle as funcións de representación, administración e ordenamento do funcionamento orgánico, axustándose ao mandato da asemblea. Na actual coordinadora foron electas polo conxunto das persoas inscritas as seguintes persoas:
- Graciela Carro Asorey
Autonoma e xerente das súa propia axencia de seguros e veciña de Marrozos. Licenciada en Ciencias Políticas e da Administración fai parte da directiva da da directica da AVV de Marrozos.
- Natalia Paleo Mosquera
Doutora e profesora de Ciencia Política na USC e veciña da Lavacolla. Especialista en xestión pública e no desenvolvimento de políticas municipais de xénero en Galicia.
- Concha Fernández
Profesora de intervención sociocomunitaria no CIFP Compostela e do Master de Psicoloxía na USC, é veciña das Fontiñas. Licenciada en Psicoloxía e Doutora en Psicoloxía Política. No mandato 2015-2019 foi concelleira de Políticas Sociais, Saúde, Diversidade e Centros Cívicos.
- André Seoane Antelo
Traballador das instalacións deportivas municipais e veciño de Vista Alegre. Licenciado en Historia colabora activamente coa Comisión Histórica da Gentalha do Pichel.
- Iván Rodríguez Iglesias
Profesor de ensino secundario e licenciado en Filosofía e veciño de Galeras. Foi portavoz da organización estudantil ANEGA e representante do Estudantado no Consello de Goberno e no Consello Social da USC. Responsable local de Anova en Santiago e Portavoz nacional de Espiral.
- Marcial San Martín Meléndez
Licenciado en Ciencias Políticas e da Administración e veciño da Volta do Castro. Traballou no Parlamento de Galicia, no Concello da Estrada e tamén como sociólogo, fotografo e nunha axencia. No mandato 2015-2019 traballou para o grupo de Compostela Aberta na Deputación e tamén no Concello de Santiago.
- Marisa Álvarez Garea
Mestra de Educación infantil na Ramallosa e veciña do barrio de Conxo. Mantén unha importante actividade veciñal e cultural no seu proprio barrio así como nA Troita Armada.
- Miguel Penas
Coordenador do grupo municipal de Compostela Aberta e veciño do barrio das Marías. Licenciado em História, técnico superior de Turismo e mestrado en Edición. Foi presidente da Associaçom Galega da Língua (AGAL), actualmente secretario da AVV das Marias. No mandato 2015-2019 foi xefe de gabinete da Alcaldía de Santiago.
- Mariajo Bóveda
Arqueóloga da administración pública galega e veciña do barrio de Sar, participa en Espazo Veciñal de Sar.
- David Domenech Labandeira
Enxeñeiro e traballador dunha multinacional tecnolóxica e veciño das Fontiñas. Foi secretario xeral de Podemos Compostela.
E como representantes designados polo Grupo Municipal de Compostela Aberta:
- Marta Lois González
Concelleira do grupo municipal de Compostela Aberta e veciña do barrio das Fontiñas. Doutora en Ciencia Política e profesora da USC. De Setembro do 2020 a Setembro do 2022 exerceu como portavoz do grupo municipal de Compostela Aberta e no mandato 2015-19 foi concelleira de Igualdade, Turismo, Emprego, Comercio e Promoción Económica.
- Branca Novo Rey
Concelleira do grupo municipal de Compostela Aberta e veciña da cidade histórica. Licenciada en Ciencias Políticas, DEA en Educación Artística e Especialista en Edición. Creadora e docente no campo da danza contemporánea desde o Laboratorio de Movementos. No mandato 2015-2019 foi concelleira de Acción Cultural.
- Jorge Duarte Vázquez
Concelleiro do grupo municipal de Compostela Aberta e veciño da cidade histórica. Traballa como arquitecto e foi presidente do Colexio de Arquitectos en Compostela e decano do Colexio de Arquitectos de Galicia. No mandato 2015-2019 foi concelleiro de Espazos cidadán, dereito á vivenda e mobilidade.
- Maria Rozas
Portavoz e concelleira do grupo municipal de Compostela Aberta e veciña do Ensanche. Licenciada en Ciencias Políticas e Master en Estratexias e Políticas de Cooperación ao desenvolvemento. É consultora de xestión económica para Administracións Públicas. No mandato 2015-19 exerceu como Concelleira de Economía e Facenda.
- Xan Duro Fernández
Concelleiro do grupo municipal de Compostela Aberta e veciño dos Salgueiriños. Diplomado en Biblioteconomía e Documentación e funcionario da USC como auxiliar técnico de biblioteca. Foi presidente de ADEGA e coordinador Xeral de Verdegaia. No mandato 2015-2019 foi concelleiro de Medio Ambiente, Convivencia e Informática.
Organizándose en áreas de traballo e responsabilidade do seguinte xeito:
- Portavocía – Marta Lois
- Organización e Finanzas – Xan Duro
- Coordenación Política e Comunicación– Miguel Penas
- Responsable legal e Rural – Graciela Carro
- Loxística e local – David Domenech
- Grupos de Traballo – Marcial San Martín
Grupos de Traballo (GT)
Os Grupos de Traballo son unha das ferramentas que emprega Compostela Aberta para facilitar a participación.
A través deles, podes contribuír coas túas propostas e suxestións, detectando necesidades para a cidade, barrios e parroquias, achegando iniciativas, propoñendo proxectos… As túas achegas son fundamentais para definir a acción política de CA.
Na actualidade, están definidos cinco Grupos de traballo amplos, organizados por grandes áreas temáticas:
- MODELO DE XESTIÓN PARA VIVIR (Compostela para vivir, modelo e xestión da cidade e do rural, urbanismo, mobilidade, medioambiente, vivenda, cidade histórica, resíduos, ciclo da auga, lixo…)
- LATEXO DE COMPOSTELA (Cultura, educación, festas, educación, deportes, centros socioculturais…)
- TERRITORIO DAS MULLERES (Feminismos, Igualdade, violencias machistas…)
- PROPOSTA ECONÓMICA E ADMINISTRATIVA (Modelo económico e produtivo, emprego, turismo, administración pública, fiscalidade…)
- COMPOSTELA DOS COIDADOS (Dereitos sociais, dereitos LGTBI+, saúde, conciliación, cooperación solidariedade, apoio mútuo, renda básica…)
Comisión de Mediación e Garantías
A Comisión de Mediación e Garantías, elixida polo conxunto de inscritas e inscritos en Compostela Aberta, é o órgano de resolución de conflitos e velará polo cumprimento dos estatutos e a protección dos dereitos das persoas afiliadas. As súas decisións serán apelábeis ante a Asemblea.
A actual comisión de Mediación e Garantías está composta por:
- Antonio Pérez Casas
- Mariluz López
- Marisa Álvarez
- Jerónimo Couceiro