Díaz compartiu o tradicional xantar nas carpas da Alameda coa candidatura de Compostela Aberta
Yolanda Díaz viaxou a Santiago para compartir o día grande das festas da Ascensión con Compostela Aberta e coa candidata á alcaldía, María Rozas, da que dixo que é “unha mostra dunha maneira de facer política en maiúsculas”. A vicepresidenta do Goberno pediu que o próximo 28 de maio “a xente progresista se mobilice para apoiar a CA e para que María Rozas sexa a próxima alcaldesa de Compostela”.
Yolanda Díaz, María Rozas e boa parte da candidatura de Compostela Aberta fixeron un pequeno percorrido polas rúas da zona vella, antes de compartir o tradicional xantar de polbo nas carpas instaladas na Alameda. En declaracións aos medios, a vicepresidenta do Goberno lembrou que “nas eleccións municipais decídense cousas moi importantes, porque é aos concellos a onde primeiro chegan os problemas da xente”. Por iso, Díaz pediu a mobilización do voto progresista en apoio para María Rozas, da que destacou que é unha muller “profesional e feminista, que tén a experiencia de ter gobernado en Santiago no pasado mandato”.
María Rozas reivindica o voto útil a CA
María Rozas aproveitou a presenza de Yolanda Díaz para reivindicar que “Compostela Aberta é un exemplo a seguir, un espazo de esperanza e unitario para impulsar políticas transformadoras, e é a única forza que garante un cambio de rumbo en Santiago, e por iso é o verdadeiro voto útil para a xente progresista ”. A candidata de CA agradeceulle o seu apoio á vicepresidenta e líder de Sumar, e fixo un balance positivo do transcurso da campaña electoral “na que estamos eteno moi bo retorno da veciñanza, e na que seguiremos aproveitando cada segundo para que as nosas propostas chegen a toda veciñanza”.
Xornada de fraternidade
Yolanda Díaz arroupou a Compostela Aberta no Xoves da Ascensión que se tén convertido nunha xornada de confraternidade para a organización. A vicepresidenta compartiu mesa coa candidata de CA á alcaldía, María Rozas, e con boa parte da lista de Compostela Aberta para o próximo día 28. Non faltaron ao xantar todas as mulleres e homes do primeiro tramo: Xan Duro, Comba Campoi, Miguel Penas, Graciela Carro, Javi García, Marisa Álvarez Garea, Jaime Bello, Luisa Pasín e Marta Lois. Tampouco faltaron outras integrantes da candidatura como André Seoane, Soledad García Rio, Noa Morales, Eli Cabezas, Rocío Núñez, María Gigirey, Jesús Rivera, ou Marilar Aleixandre; o concelleiro Jorge Duarte, e outros simpatizantes de Compostela Aberta.
