CA propón un programa de actividades físicas e creativas nos parques “para mellorar a sáude física e mental da veciñanza”

Branca Novoneyra pídelle ao Goberno que impulse unha programación específica “que combata os efectos nocivos do sedentarismo entre as persoas mozas e adultas”
  • Santiago está por riba da media galega en porcentaxe de poboación con vida sedentaria e sobrepeso

Compostela Aberta levará ao próximo Pleno unha moción na que insta ao Goberno a organizar de cara ao verán un programa de actividades físicas e creativas nos parques e zonas verdes. A concelleira Branca Novoneyra explicou que o obxectivo “é contrarrestar os efectos nocivos do sedentarismo, especialmente entre as persoas mozas e maiores”. Segundo o Diagnóstico de Saúde do Concello de Santiago, Compostela supera a media galega nas porcentaxes de poboación con vida sedentaria e con sobrepeso.

Branca Novoneyra mostrou a súa preocupación polos datos do Diagnóstico de Saúde, elaborado pola Área de Medicina Preventiva e Saúde Pública da USC e presentado na última sesión do Consello Municipal de Saúde. Ese documento sinala que o sedentarismo en Santiago aféctalle ao 42% da poboación de Santiago, cinco puntos por riba da media galega; e o sobrepeso ao 41,6 por cento, fronte á media galega do 39,1%. Esta tendencia está agudizada en determinadas zonas da cidade como Conxo ou Vite, onde tamén se acadan porcentaxes máis altas de sobrepeso infantil. Tamén en relación á saúde mental, a diagnose advirte de que o 23,1% das mulleres e o 11,1% dos homes sofren depresión ou ansiedade. 

Para a concelleira de Compostela Aberta, “a administración municipal ten que actuar fronte a estes datos, cunha estratexia que impulse unha vida activa da veciñanza e que, polo tanto, favoreza a súa saúde física e mental”. Branca Novoneyra incidiu en que “esta é unha recomendación da Organización Mundial da Saúde, que ten reclamado que as institucións públicas favorezan o acceso equitativo a espazos seguros nos que realizar actividades físicas de maneira regular, nomeadamente espazos ao aire libre”. Así se recolle no Plan de Actividade Física da OMS para o período 2018-2030, actualizado por mor da pandemia da Covid-19, que ten como obxectivo diminuir a inactividade física nun 15% en 2030 para así aminorar os custos sanitarios e aumentar a calidade de vida e a saúde mental.

Na moción que defenderá no Pleno, Branca Novoneyra insta ao Goberno a aproveitar as moitas zonas verdes das que dispón Compostela para organizar unha programación específica no verán, que teña como obxectivo mellorar a saúde física e mental da poboación. A concelleira de Compostela Aberta sinalou que “esta programación pode conxugar as prácticas físicas e artísticas, e podería correr a cargo dos moitos profesionais que temos en Santiago con  ampla experiencia no desenvolvemento de actividades terapéuticas, artísticas e de lecer orientadas ao benestar”. Novoneyra sinalou que “a día de hoxe desde o Concello non se ten presentado ningunha oferta de ocio saúdable destas características pensada para a poboación moza e adulta, que é precisamente a que require dun maior pulo e acompañamento para abandonar a vida sedentaria”.

Documentación
relacionada
Moción do Grupo Municipal de Compostela Aberta polo desenvolvemento dunha programación de actividades saudables nos parques durante o verán
Novas
relacionadas

Branca Novoneyra: “O Goberno de Bugallo ten unha última oportunidade para autocorrixirse e apostar polos artistas locais na programación das festas”

Compostela Aberta leva ao Pleno unha moción para esixir un plan de contratación de artistas e empresas culturais locais para a Ascensión e o Apóstolo, cunha dotación mínima de 250.000 euros

Marta Lois: “O Goberno non pode permitir que sigan pechados máis de 40 postos da Praza de Abastos”

Compostela Aberta propón a convocatoria dun concurso, acompañado dunha liña específica de axudas, para darlle un uso aos espazos desocupados do mercado, priorizando proxectos de economía social e que permitan a inserción laboral de persoas desempregadas de longa duración

María Rozas: “Bugallo cambiou un centro para persoas sen fogar por un edificio de despachos poñendo en risco un millón de euros de fondos europeos”

Compostela Aberta pedirá explicacións no Pleno sobre o modelo do Centro de Inclusión “do que a concelleira de Políticas Sociais non informou ás entidades sociais que traballan en Santiago”

“Que dous señores tomen decisións a 25 anos nun despacho, sen escoitar a ninguén, e a dous meses das eleccións, mostra a súa nula calidade democrática”

Compostela Aberta reconducirá os usos anunciados para a Casa do Matadoiro “que non poden depender de ocurrencias de Bugallo en tempo de desconto”

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo