Unha actuación que o bipartito de Bugallo non conseguiu lanzar e que durante a etapa do PP e de Agustín Hernández quedou nun caixón.
Despois da aprobación de hoxe, o proxecto ten que licitarse e adxudicarse, polo que dende Compostela Aberta estaremos vixiantes para dar cumprimento a esta demanda longamente agardada pola veciñanza.
Esta senda peonil é un primeiro paso para conectar Figueiras co centro da cidade. Este tramo conecta o Carme de Abaixo co cruce da estrada do Pedroso.
Dende Compostela Aberta seguimos demandando que unha segunda fase enlace coas sendas xa existentes á altura do rego de Fontecova para dotar dun acceso peonil seguro aos núcleos de Figueiras.
O proxecto aprobado conta cun importe cercanos a 800.000 euros e inclúe tamén a execución dunha variante no quilómetro 0 da estrada eliminando a perigosa curva actual desde a cal se accede aos centros educativos.
Un pouco de historia
A senda peonil de Figueiras é unha actuación demandada xa dende finais dos 90. O primeiro proxecto que a Deputación presentou data de abril de 2009, cun orzamento algo inferior a medio millón de euros. Este proxecto, que non conectaba cos núcleos de Figueiras senón que remataba ao inicio da estrada ao Pedroso, foi aprobado na sesión plenaria de abril de 2009.
Máis de ano e medio despois, o proxecto non se licitara aínda e a obra quedou no finalmente no caixón ata o 2015. É entón cando Compostela Aberta demanda o seu rescate á deputación despois da petición directa da veciñanza.
Despois da súa revisión, o proxecto de 2009 tivo que descartarse para iniciar un novo proceso que dá hoxe un primeiro paso moi importante. Como dicimos, dende Compostela Aberta estaremos vixiantes para que se cumpra o acordo e non volva quedar nun caixón.
