Acordouse a convocatoria da asemblea ordinaria do mes de Abril a celebrar o vindeiro Mércores, 19 de Abril, ás 19.30 horas no CSC do Ensanche (Rua de Frei Rosendo Salvado, 14-16). A orde do dia será a seguinte:
1. Presentación da nova Coordenadora de Compostela Aberta
2. Información sobre o proceso de municipalización do servizo de ORA e Guindastre
3. Información sobre Local
4. Varios
Para alén da preparación da asemblea a Coordenadora continua a traballar noutros temas como a elaboración de materiais e actos informativos, previstos para a primeira semana de Maio, sobre a regularización catastral, e na organización dunha charla sobre a liberdade de expresión que terá lugar o Xoves dia 20 de Abril. Tamén se puxo en andamento a comisión para organizar a festa do segundo aniversario.