O informe elaborado por Transparencia Internacional España sítúa o Concello de Compostela no posto 97 nunha clasificación de 110 concellos do Estado español. Este informe recolle diversos indicadores para medir o grao de transparencia dos concellos avaliados.
O mellor posto ocupa un lamentábel 60 no indicador de relacións coa cidadanía e sociedade e o peor é a posición 105 en transparencia económico-financieira. O resto de postos no ránking son o 97 en Información sobre a Corporación Municipal, 97 en Transparencia na contratación de servizos e 85 en Transparencia en materias de urbanismo e obras públicas.
Así mesmo, constátase o incremento das políticas de ocultación coa chegada do Partido Popular ao poder municipal, xa que no ano 2010, Compostela ocupaba a posición 29 nesta clasificación, baixando ao posto 50 no ano 2012 e terminando o descenso nos infernos da transparencia en 2014.
Estes datos non fan máis que confirmar a necesidade dunha reforma radical nas relacións municipais co conxunto da sociedade e a constatación de que esta mudanza non virá da man dos actuais inquilinos da Casa do Concello. Compostela Aberta defende a figura dun concello con “paredes de cristal”, radicalmente participativo, onde absolutamente todo for de coñecemento público e estiver suxeito baixo o control e debate da cidadanía.
Esta opción, evidentemente, non é a de Agustín Hernández, nin tampouco a do seu partido
CA esíxelle a Bugallo “información, axudas e compromisos orzamentarios firmes coa veciñanza afectada polo Plan Especial do Camiño Francés”
María Rozas reclama unha oficina de información específica e pide que se prorrogue o prazo de exposición pública do PE-3, “diante da alarma xerada na Lavacolla pola falta de diálogo co Goberno”