Compostela Aberta esíxelle á Xunta que garanta vivenda alternativa para a familia ameazada de desaloxo

Edificio onde está a sede do Instituto Galego de Vivenda e Solo
Edificio onde está a sede do Instituto Galego de Vivenda e Solo
Edificio onde está a sede do Instituto Galego de Vivenda e Solo

Tal como lemos en Praza Pública, a Xunta ameaza co desaloxo inminente a unha familia compostelá en situación de exclusión social residente nunha vivenda de protección oficial, sen terlle buscado antes unha alternativa habitacional.

Dende Compostela Aberta esíxese que a Xunta e o Instituto Galego de Vivenda e Solo (IGVS) atope unha vivenda alternativa que evite que esta familia quede na rúa. Non é admisible de ningún modo que unha administración pública queira deixar sen fogar a unha familia, máis se como neste caso se atopa en situación de especial vulnerabilidade e co agravante de que a Xustiza lle encargou á propia Xunta a tutela dalgunha destas persoas.

Como ben sinala a concelleira de Políticas Sociais Concha Fernández, “somos conscientes da problemática e extrema sensibilidade deste caso e da inviabilidade de que esta familia siga vivindo nesa vivenda e nas condicións actuais, con grave risco para a súa integridade física e incluso para a dos seus veciños e veciñas. Pero tamén nos negamos a aceptar de ningún modo que sexa a propia Xunta, con competencias exclusivas en vivenda social, a que promova o desafiuzamento sen dar alternativa de realoxo. A Xunta non pode agravar aínda máis a situación de extrema vulnerabilidade desta familia deixándoa sen fogar”.

A Xunta e o IGVS non poden comportarse como o peor dos bancos deixando a esta familia na rúa e agravando a situación na que se atopa. É obriga dos poderes públicos promover as condicións para facer efectivo o dereito a unha vivenda digna.

No último ano e medio o Concello de Santiago realizou preto de 200 actuacións con esta familia, con algúns dos seus membros con discapacidade recoñecida. O departamento de Políticas Sociais colaborou estreitamente con outros colectivos e entidades sociais da cidade, incidindo especialmente na procura dunha nova vivenda de alugueiro.

A Xunta e o resto de administracións contarán sempre co goberno de Compostela Aberta para traballar conxuntamente polo benestar da cidadanía e moi especialmente das persoas máis vulnerables, pero nunca para deixar na rúa a ninguén. Institucións públicas como a Xunta e o Instituto

[ACTUALIZACIÓN 04 ABRIL 2018]

O Instituto Galego de Vivenda e Solo fixo efectivo o desaloxo desta familia o venres 4 de abril ser ter buscado outra alternativa. Neste audio podes escoitar as reaccións da concelleira Concha Fernández.

Novas
relacionadas

Compostela Aberta chama a participar o domingo na Manifestación en Defensa do Mar

A manifestación partirá ás 12.00 horas da Alameda de Santiago para denunciar o desleixo da Xunta e reclamar transparencia na información sobre a vertedura dos pellets

CA esixe responsabilidade á Xunta diante do desastre dos pellets e solidarízase cos municipios afectados

Compostela Aberta denuncia a incompetencia da administración autonómica, que reaccionou tarde e mal, e parabeniza á sociedade civil que está a organizarse para a recollida desta vertedura, así como ao movemento ecoloxista e asociacións en defensa das rías.

CA, BNG e PSdeG-PSOE asinan un acordo orzamentario que pon por riba de todo os intereses da veciñanza de Santiago de Compostela

Goretti Sanmartín, María Rozas e Aitor Bouza coinciden en cualificar o orzamento municipal como social, igualitario e deseñado para o mantemento dos barrios e das parroquias

Moción conxunta para reclamarlle á Xunta que cumpra con Santiago e resolva o caos de tráfico e de falta de aparcadoiro no CHUS

María Rozas, Gonzalo Muíños e Míriam Louzao presentan unha iniciativa para que a Xunta asuma a súa competencia e realice o investimento necesario

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo