No próximo día 9 de abril de 2015, ás 20:00hrs e no Hotel Virxe da Cerca (Rúa da Virxe da Cerca, 27) de Santiago de Compostela terá lugar un Encontro Temático titulado “Compostela Aberta á Lingua”.
Desde Compostela Aberta, gustaríanos convidar a participar deste Encontro aberto a cidadanía e os axentes sociais que traballan na promoción da lingua galega no noso concello. Nese sentido, encantaríanos partillar un espazo no que trocarmos ideas, experiencias e opinións, orientadas todas a aqueles aspectos e medidas que desde o concello deberían dinamizarse ou implementarse para mellorar a situación da lingua galega no concello compostelán.
Compostela Aberta ten entre os seus principios a defensa da lingua, da cultura e do patrimoio galegos. As políticas que poida impulsar pretenden recoller as reflexións elaboradas polo movemento normalizador do galego.
XELA ARIAS, compromiso social e ollar feminista
Poetisa, tradutora, multifacética e inconformista. Neste 17 de maio celebramos as letras galegas e á autora homenaxeada neste ano 2021: a escritora Xela Arias (1962-2003).