Polas liberdades democráticas. Polo dereito a decidilo todo

Compostela Aberta quere manifestar a sua preocupación diante dos acontecimentos producidos nos últimos días na Cataluña.

Consideramos que a imputación das 712 alcaldesas e alcaldes cataláns que manifestaron o seu apoio ao referendum do 1-O non fai máis que agravar o problema e supón unha vulneración das máis elementares liberdades democráticas e dereitos fundamentais.

O que estamos vendo hoxe non é a vulneración dos dereitos a un colectivo, se non que se lle está a negar o dereito a votar ao conxunto da cidadanía, con independencia de cal sexa a súa posición de cara á pregunta formulada dende a lexitimidade que emana da vontade popular expresada no Parlament de Cataluña. Vemos con preocupación como unha cuestión política é xudicializada, nun intento groseiro de pechar o debate en falso.

Un debate que a sociedade catalá e as súas institucións de autogoberno quixeron abordar e solucionar con métodos pacíficos e democráticos e que o goberno español pretende silenciar presionando a cargos electos e funcionarios, impedindo a realización de actos públicos, incautando urnas e papeletas, rexistrando imprentas ou pechando páxinas web. Non son necesarias solucións xudiciais senón políticas.

Entendemos que a cidadanía ten dereito a posicionarse en relación aos retos que a atravesan. Debemos avanzar a formas políticas máis participativas e transparentes, que nos permitan tomar as decisións en común, no que as urnas non sexan vistas como un problema. Porque a democracia é o dereito a decidilo todo.

Novas
relacionadas

María Rozas denuncia “a falta de impulso político e de capacidade de xestión da concellería de Deportes” nun encontro con entidades deportivas de Santiago

A candidata de Compostela Aberta considera que “remata un mandato en branco, sen avances nas novas infraestructuras deportivas nin en mantemento, e con continuos problemas na tramitación das subvencións municipais”

María Rozas no COAG: “Precisamos unha administración máis eficiente  e un Goberno máis dialogante para resolver os retos de Santiago”

A portavoz municipal mantén unha xuntanza cunha representación do Colexio Oficial de Arquitectos para presentar as propostas de Compostela Aberta en materia de mobilidade, mellora dos espazos públicos ou vivenda “despois dun mandato perdido para a veciñanza”

María Rozas: “É pouco crible que Bugallo anuncie plans de investimentos para Lavacolla mentres non realiza nin o mantemento dos viarios da parroquia”

A portavoz de Compostela Aberta e o concelleiro Xan Duro visitaron Lavacolla para recoller as demandas da veciñanza

María Rozas: “Se quere pechar o caso Pichel, Bugallo perdeu onte unha gran oportunidade de dar explicacións e despexar dúbidas no Pleno”

A portavoz de Compostela Aberta lamenta que o Goberno non respondera a ningunha das preguntas que leva formulando máis de dez días

PARTICIPA

gRUPOS
DE TRABALLO

Selecciona a túa preferenza*
Podes participar en varios Grupos de Traballo