Compostela Aberta quere enviar todo o seu apoio ás veciñas e veciños afectadas polo Vertedoiro de Miramontes, sito na Parroquia compostelá de Grixoa. Como lle trasladamos ás veciñas, faremos o que estea nas nosas mans para acompañar as súas reivindicacións fronte á Xunta de Galicia. Precisamos que o Goberno de Núñez Feijoo asuma as súas responsabilidades e dea resposta e solución a este problema Medioambiental que está a afectar á convivencia da nosa veciñanza.
Queremos salientar o bo traballo que está a realizar o Goberno Municipal de Compostela Aberta, ante esta situación, situándose ao carón da nosa veciñanza. O Alcalde de Santiago Martiño Noriega, e os Concelleiros de Medio Ambiente e Medio Rural Xan Duro e Rafa Peña, recibiron persoalmente as preocupacións e demandas das nosas veciñas de Grixoa, poñéndose a traballar dende o primeiro minuto para poder axudar a solventar a problemática, dentro das limitacións competenciais que ten o Concello nesta materia.
