Compostela Aberta preguntará mañá, no Pleno ordinario do mes de xaneiro, polas previsións do Goberno para a apertura do Espazo Educativo e de Lecer María Miramontes-Ludoteca das Fontiñas. O grupo municipal lembra que, despois de sete meses do actual mandato, o Executivo do PSOE ainda vén de iniciar hai uns días a licitación do programa piloto do servizo de atención á infancia do centro.
No mandato anterior, o Goberno de Compostela Aberta conseguiu a apertura da ludoteca de Fontiñas, un espazo que se empezou a construír no ano 2006. Tamén se licitou un programa piloto para a xestión do Espazo Educativo e de Lecer María Miramontes, pero a adxudicación tivo que ser anulada en base a un dictame do TACGal e non puido reiniciarse pola inminente convocatoria electoral. Aínda así, o anterior Goberno iniciou unha programación transitoria que dotou de contido o espazo despregando actividades como un Círculo Literario, un ciclo de concertos de música tradicional ou as tardes xogantinas.
Transcorridos sete meses do actual mandato, o Goberno do PSOE acaba de iniciar, neste mes de xaneiro, o novo procedemento de licitación do programa piloto para a implantación dun servizo de atención á infancia para a conciliación da vida familiar, laboral e peroal na ludoreca das Fontiñas. O prazo para a presentación de ofertas, segundo se pode ler no Perfil do Contratante, será ata o 12 de febreiro, de xeito que é previsible que o servizo non empece a funcionar no primeiro trimestre deste ano. O obxectivo da pregunta é que o Goberno explique no Pleno que prazos manexa para a posta en marcha dunha programación permanente no centro.
PODES CONSULTAR AQUÍ A PREGUNTA DE CA SOBRE O ESPAZO EDUCATIVO E DE LECER MARÍA MIRAMONTES-LUDOTECA DAS FONTIÑAS
