• CA chama á participación na convocatoria de SOS Sanidade Pública para o vindeiro 9 de febreiro en Compostela

Compostela Aberta vén de mostrar o seu apoio á Plataforma SOS Sanidade Pública, na convocatoria da manifestación en defensa da sanidade pública que está prevista para o próximo domingo. A marcha partirá ás 12.00 horas da Alameda, e percorrerá as principais rúas da cidade para rematar na Praza da Quintana.

No día no que se coñecía o falecemento dunha persoa nos corredores do servizo de Urxencias do Hospital Clínico, Compostela Aberta reitera a esixencia á Xunta de que cese na súa política de desmantelamento da sanidade pública galega e de privatización do sistema. Para a formación, a convocatoria de SOS Sanidade Pública está máis que xustificada polos recortes de recursos, o desmantelamento dos hospitais, nomeadamente dos comarcais; o abandono da Atención Primaria, a manipulación das listas de espera, e os recortes no desenvolvemento do plan de atención integral á saúde da muller, que están a caracterizar a xestión de Alberto Núñez Feijóo

Compostela Aberta xa mostrou o seu apoio á convocatoria da Plataforma SOS Sanidade Pública na moción conxunta presentada polo grupo municipal de CA xunto cos de BNG e PSOE, e que foi aprobada no pasado Pleno da Corporación.

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies