• O concelleiro Jorge Duarte recolleu as demandas da veciñanza, preocupada pola perigosidade viaria no núcleo de Cortos

Compostela Aberta pedirá no próximo Pleno que o Goberno local atenda as demandas da veciñanza de Marantes, e poña en marcha as medidas necesarias para mellorar a seguridade viaria na parroquia. O concelleiro Jorge Duarte vén de manter unha reunión coa asociación veciñal Rego das Pedras, que leva tempo denuciando a perigosidade dun tramo do Camiño Inglés que discorre polo lugar de Cortos.

Jorge Duarte explicou que “o concelleiro de Medio Rural, José Manuel Pichel, é consciente da situación, porque xa lle foi trasladada pola veciñanza de Martantes con escaso éxito”. Tal e como denuncia a asociación Rego das Pedras, “aínda que o departamento de tráfico actuou na zona limitando a velocidade a 30 kilómetros hora, a realidade é que os vehículos seguen circulando polo tramo a unha velocidade moi elevada, facendo caso omiso da nova sinalización”. Para o edil de Compostela Aberta, “é preciso que o Goberno local poña en marcha outras medidas que serían máis acaídas, como recoñeceu o propio departamento de tráfico, tales como a creación dunha beirarrúa na marxe esquerda dirección Berdía, que obrigaría a reducir a velocidade”. Darte incidiu en que “posto que a concellería de Gonzalo Muíños é conscietedesta necesidade, só resta que lla traslade aos seus compañeiros do Goberno para que executen a obra”.

O concelleiro de Compostela Aberta avogou, ademais, porque a obra para a construción da nova beirarrúa sexa aproveitada “para acometer a ampliación da rede de saneamento, como demanda a veciñanza para darlle servizo a un núcleo no que existen 16 vivendas”.

PODES CONSULTAR AQUÍ O ROGO DE COMPOSTELA ABERTA SOBRE A SEGURIDADE VIARIA NO PASO DO CAMIÑO DE SANTIAGO INGLÉS POLA PARROQUIA DE MARANTES

Uso de cookies

Este sitio web utiliza cookies para que vostede teña a mellor experiencia de usuario. Se continúa a navegar, está dando o seu consentimento na aceptación das devanditas cookies e a nosa política de cookies,Para máis información, faga click no enlace. ACEPTAR

Aviso de cookies