A asamblea de Compostela Aberta decidirá sobre a oferta do BNG para entrar no Goberno
María Rozas insiste en que “CA reivindicará políticas progresistas e transformadoras en Santiago, desde calquera que sexa o seu rol no próximo mandato”
Eleccións 28 de maio de 2023
Polo que
importa
Ola! Son María Rozas, picheleira de nacemento, vocación e corazón e voceira de Compostela Aberta. Creo nun Santiago cheo de vida e futuro, capital da cultura e centrado no coidado das persoas. Un Santiago mellor para vivir e ser vivido. E isto só será posible cun goberno de Compostela Aberta.
Axúdasnos a facer unha
Compostela mellor?
Compostela mellor?
En Compostela Aberta temos recollido no noso Código Ético a renuncia explícita dos créditos bancarios e das doazóns de particulares que poidan coartar a nosa independencia política.
UN GOBERNO DE COMPOSTELA ABERTA POLO QUE IMPORTA
Estas son algunhas das nosas propostas para facer de Santiago unha cidade mellor para vivir e ser vivida
POR UNHA XESTIÓN PÚBLICA DA AUGA QUE BENEFICIE ÁS PERSOAS E NON A MULTINACIONAIS
Crearemos unha Empresa Municipal de Auga que recupere a xestión pública despois de 50 anos en mans privadas, que Bugallo quere estender outros 25 anos máis.
Gracias a esta empresa podemos aforrar ata 80 millóns de euros que non serán para beneficio dunha multinacional senón para dar un mellor servizo á veciñanza e renovar infraestruturas obsoletas dende hai décadas. Moi especialmente no rural, onde a estas alturas aínda segue faltando abastecemento e saneamento en moitas parroquias.
POR UN TURISMO SOSTIBLE E DE CALIDADE, QUE CONVIVA COA VECIÑANZA
Fomos e seguiremos sendo pioneiros en esixir unha taxa turística que sirva para manter os servizos e a calidade de vida nas zonas máis saturadas. Queremos unha cidade aberta á xente de fóra, pero cun modelo sostible e de convivencia, na que os visitantes respecten á cidade á veciñanza.
Un Santiago vivo non pode ter turismo a granel que expulsa aos veciños do Casco Histórico, acaba co comercio tradicional, fomenta salarios precarios na hostalería e pon o prezo da vivenda polas nubes.
POR UNHA CIDADE DE COIDADOS. PORQUE SEN COIDADOS NON HAI VIDA
Queremos un Santiago que non deixe a ninguén atrás. A Renda de Garantía Básica que lanzamos no 2016 volverá ser prioritaria e crearemos unha Renda de Garantía Infantil que permita acceder non só a comedores ou material escolar, senón a servizos de apoio, logopedas, terapeutas, actividades extraescolares…
Tamén priorizaremos o centro de Belvís de atención ás persoas sen fogar 24h e lanzaremos a Oficina Municipal de Vida Independente que acompañe ás persoas con discapacidade.
E unha cousa fundamental: auditaremos o Servizo de Axuda no Fogar para garantir tanto o cumprimento do servizo como as condicións laborais das traballadoras.
POR UNHA VIVENDA DIGNA E ASEQUIBLE, ESPECIALMENTE PARA A MOCIDADE
Non queremos que a xente siga marchando a outros concellos veciños polos prezos prohibitivos das vivendas e dos algueiros en Santiago.
E por iso, entre outras moitas medidas, crearemos unha Empresa Municipal de Vivenda que fomentará que as vivendas baleiras ese poñan no mercado ou impulsará a rehabilitación para alugar a prezos razoables. Tamén reclamaremos que a Xunta e o Estado constrúan moita máis vivenda pública, unha competencia que teñen completamente desatendida dende hai anos.
POR UNHA COMPOSTELA QUE RECUPERE O SEU PULSO CULTURAL
A música ao vivo volverá aos locais de Santiago, como xa fixemos cando gobernamos, e apoiaremos aos artistas locais de Compostela cunha bolsa de contratación de 250.000 euros para a súa participación nas festas.
Tamén lanzaremos o Bono C, con descontos para consumir produtos culturais, e artellaremos unha Rede Local de Artes ao Vivo con proxección local e internacional.
POR UNHA MOBILIDADE MODERNA CENTRADA NAS PERSOAS
Unha cidade con futuro non pode ter unha mobilidade do pasado. Para poder usar menos o coche, impulsaremos un novo modelo de transporte público máis eficiente e ecolóxico, con menos esperas e novas liñas, consensuadas coa veciñanza.
Recuperaremos a xestión de parkings no Ensanche con descontos para residentes e comercios e esixirémoslle á Xunta que faga o parking do hospital.
Tamén fomentaremos o uso da bicicleta cunha rede muncipal de bicicletas eléctricas e novos carrís bici conectados con sentido común.
POR UN RURAL VIVO E COA DIGNIDADE QUE MERECE
O rural merece os mesmos servizos que hai no Ensanche ou nos barrios.
Por iso melloraremos saneamento, abastecemento, recollida de lixo, iluminación ou pavimentado. Pero tamén atenderemos unha oferta escolar de calidade, un transporte público digno, mellor oferta cultural, novos equipamentos sociais e deportivos ou espazos cubertos para maiores e pequenos. Con Compostela Aberta, o rural volverá ser escoitado e tido en conta.
POR UNHA CAPITAL DO DEPORTE PARA TODAS E TODOS
Construiremos e modernizaremos as instalacións para aumentar a oferta para deportistas e persoas activas. Recuperaremos o control público do Multiusos, construiremos a piscina de Santa Marta e a área deportiva de Sar e buscaremos como dar máis uso aos pavillóns da Xunta e da Universidade ou os antigos campos de fútbol das parroquias.
Prestaremos máis atención a deportes minoritarios, apoiaremos o deporte feminino e recuperaremos o diálogo cos clubes e entidades, completamente desatendidas neste mandato.
POR UNHA COMPOSTELA FEMINISTA, TERRITORIO DAS MULLERES
Santiago volverá ser capital feminista, como o foi coa campaña ‘Compostela en Negro’, que chegou a todos os lugares de Galicia e que o actual goberno deixou esmorecer. Reimpulsarémola, igual que as actividades na Casa Xohana Torres.
O feminismo, a perspectiva de xénero e a loita contra as violencias machistas serán outra vez transversais en todas as áreas de goberno, dende a cultura e a memoria histórica, ata o urbanismo, para que Santiago sexa de novo Territorio das Mulleres.
POR UN CONCELLO NO QUE NON TEÑAS QUE ESPERAR ANOS POR UNHA LICENZA
Queremos un concello máis áxil á hora de darlle servizo á xente. Por iso crearemos unha concellería de Modernización administrativa que acelerará á implantación da administración electrónica, mellorará o pago de facturas e subvencións e axilizará procesos como a concesión de licenzas.
POR UN GOBERNO CERCANO, DENDE A VECIÑANZA PARA A VECIÑANZA
A cercanía estivo no ADN do goberno de Compostela Aberta e así volverá ser a partir do 28 de maio. Gobernaremos escoitando, recuperando os orzamentos participativos abandonados nun caixón por Bugallo, os encontros Ao Vivo e o diálogo coas asociacións veciñais e o tecido asociativo.
E seguiremos a ser valentes, con propostas transformadoras como a taxa turística -rexeitada no seu día, aceptadas agora por case todos- que miren polos intereses da veciñanza e sen partidismo electoral. Porque a valentía, importa.
POR UN CONCELLO GOBERNADO CON HONESTIDADE E TRANSPARENCIA
Compostela Aberta puxo fin ao nefasto goberno do PP que fixo de Santiago capital da corrupción. Non imos permitir un Conde Roa 2.0 que só fai promesas baleiras e caducas.
Tampouco haberá tramas sospeitosas de beneficiar a membros do goberno e afíns con cartos municipais.
Porque a honestidade importa, as portas do concello estarán abertas con total transparencia para que a veciñanza saiba a que se adica cada euro público.
María Rozas: “Mentres algúns prometen enterrar 40 millóns de euros nunha soa rúa, CA comprométese a facer as obras precisas nos barrios e parroquias”
A candidata de Compostela Aberta reivindica que “nesta campaña quedou claro que só nós temos un proxecto claro para Santiago que nace das demandas da veciñanza”
María Rozas asina o acordo entre o Foro Cívico e as forzas políticas municipais para atender os retos de Santiago
A candidata de Compostela Aberta cualifica de “moi positivo que se poña o foco sobre cuestións que van alén das grandes infraestruturas, e das que CA leva falando xa moitos anos como a gobernanza o turismo”